ييس توروب المدير الفني للأهلي
كشف فراس علي وكيل الدنماركي ييس توروب مفاجآت بالجملة بشأن صفقة يلسين كامويش مهاجم الأهلي، وبعض الجوانب الخفية بشأن توروب في ظل اقراب رحيله عن القلعة الحمراء.
وقال الإعلامي أحمد شوبير في تصريحات إذاعية عبر برنامج «مع شوبير»، المُذاع عبر «أون سبورت إف أم»: «أنا اتكلمت مع فراس علي وكيل الدنماركي ييس توروب، عشان أنقلك معلومة صحيحة، قولتله ياعم إيه الحكاية وليه طلعت بيان، قالي الناس كلها مسلميني للرأي العام بسبب كامويش وأنا مليش أي علاقة بكامويش خالص لا من قريب ولا من بعيد ومليش علاقة هو كويس أو وحش».
وأضاف: «فراس قالي: أنا راجل محب للنادي الأهلي وعلاقتي بالنادي كويسة واتعاملت مع النادي الأهلي في أكثر من صفقة، وكنت مرشح 3 مهاجمين للنادي الأهلي ومنهم مهاجم جزائري، ولكن النادي قال لأ أنا رايح لحتة تانية ووقع الاختيار على كامويش».
وتابع: «قالي إن توروب ده من أكثر المدربين اللي اتعامل معاهم سواء كشخصية أو كمدرب ولازم يكون فيه أجواء وأدوات مناسبة عشان يعرف يتعامل في النادي الأهلي، والراجل متفاني في شغله جدا، وقالي كمان إن الراجل مش هيطلع يتكلم وعاوز النادي يطلع يتكلم».
واختتم تصريحاته: «قولتله الجمهور النادي الأهلي ممكن يعفو أو يسامح ييس توروب، حال التتويج بلقب الدوري الممتاز، قالي وهو ده اللي الراجل شغال عليه».
تعليقات الفيسبوك