«شوبير» يرد لأول مرة على أنباء طلب نجله 40 مليون للتجديد مع الأهلي

أخبار متعلقة

الأهلي يستقر على موعد الاستعداد للموسم الجديد

الأهلي يعلن تفاصيل اجتماع شركة الكرة.. «انضمام عضو جديد»

أيمن الرمادي يكشف سبب رحيل محمد إبراهيم عن البنك الأهلي

قرار عاجل من «فيفا» يصدم الأهلي والزمالك قبل انطلاق كأس العالم

رد الإعلامي أحمد شوبير، على أنباء طلب نجله مصطفى 40 مليون جنيه، للتجديد مع النادي، واستمراره ضمن صفوف الفريق خلال الفترة المقبلة، في ظل المستويات التي يقدمها الحارس خلال السنوات الماضية.

أحمد شوبير: أنا عمري ما اتشرط والنادي كان بيقدرني

وقال الإعلامي أحمد شوبير، في تصريحات إذاعية: «أنا عمري ما اتشرط، والنادي كان بيقدرني، متكلمتش مع النادي في أي مبالغ مالية، اللي يمشي على أحمد شوبير يمشي على مصطفى شوبير، أول عقد لمصطفى كان بـ60 ألف جنيه، ولما قالي هاخد 250 ألف قولتله اعمل اللي النادي يقولك عليه، ولحد دلوقتي هو أقل عقد في الفريق».

وأكد حارس منتخب مصر السابق: «متعرضش على مصطفى مبلغ، لا مصطفى ولا أبوه ولا أخوه ولا حد يقدر يساوم أو يتشرط على الأهلي، مستحيل، هو هيتجددله وهيتقدر بشكل كويس لكن محدش جاب سيرة 50 ولا 40 ولا 30 ولا 20 مليون».

أحمد شوبير يؤكد تلقي نجله عدة عروض مغرية 

وأشار أحمد شوبير، إلى أن «مصطفى حصل على عرض من الخلود السعودي، كان هياخد مبلغ محترم جدا جدا في سنة، كان هياخد الأرقام دي في 6 شهور، وبعد كده جاله نادي النجمة، ومن إسبانيا وكالة عمر مرموش جلبت له عرض، وكابتن محمد يوسف، المدير الرياضي، حينها، رفض بيع الحارس، وقرر استمراره مع الفريق».

وتابع: «الناس اللي هتصطاد في المياه، وتفضل تتكلم عن الفلوس والمبالغ، احنا لحم كتافنا من خير النادي الأهلي، وصلت؟.. احنا مش مشجعين أهلي، احنا معجونين بمياه الأهلي».