رئيس مجلس الادارة:

د.أحمد محمود

رئيس التحرير:

مصطفى عمار

لدينا مخاوف.. «أبو العلا» يكشف تفاصيل جلسة حسين لبيب بشأن شركة الكرة

02:34 ص | الأربعاء 18 نوفمبر 2026
لدينا مخاوف.. «أبو العلا» يكشف تفاصيل جلسة حسين لبيب بشأن شركة الكرة

محمد أبو العلا

كشف محمد أبو العلا لاعب نادي الزمالك السابق، عن تفاصيل جلسة حسين لبيب رئيس نادي الزمالك من أجل مناقشة بعض البنود الخاصة بشركة الكرة.

وقال أبو العلا في تصريحات لبرنامج ملعب أون مع الإعلامي سيف زاهر: «مجمل الموضوع إننا فهمنا بعض الحاجات، وكان قلقنا الأكبر من موضوع النسب، أنت عارف برضه إن في ثقافتنا كلمة 50% أو أكتر بتقلقنا، وبنسأل: طب النادي؟ طب فيه إجراءات وقائية؟ فيه إيه؟ فقعدنا وفهمنا إنه عامل حساباته كويس جدًا من الناحية الوقائية، وكمان من ناحية الاستثمار».

وتابع: «وكل ده على فكرة لسه مفيش حاجة منه على أرض الواقع، وإحنا لسه قاعدين بنتناقش، علشان ممكن تظهر أفكار كتير شركة الكرة ممكن تاخد وقت، وممكن نبدأ نتكلم فيه بجد بعد الجمعية العمومية؛ لأن كل ده لسه حبر على ورق والجمعية العمومية هتغيّر بعض الحاجات، والحاجات دي لازم تكون متوافقة مع قانون الرياضة أو قانون الاستثمار في الرياضة».

وأكمل: «بالنسبة لينا جوهر أي اتفاق إن نادي الزمالك يفضل دايمًا محتفظ بهويته، ومفيش حد يقدر يغيّر أي حاجة ليها علاقة بثوابت نادي الزمالك دي الكلمة المهمة اللي إحنا محتاجين نسمعها كلنا: الثوابت مش هتتغير وعايز أقول ممكن الموضوع يمتد لسنة أو سنتين، لكن لازم يتأسس له من دلوقتي وإحنا بنحاول نحط الأساس».

واختتم: «كابتن حسين لما صرّح إنه مش هيستمر، كان يقصد إنه مش هيستمر في الدورة الانتخابية القادمة، اللي ممكن تكون بعد حوالي 10 شهور، وهو بيسعى إنه يحل القصة دي خلال الـ10 شهور دول».