رضا عبدالعال
قال رضا عبدالعال، لاعب ناديي الزمالك والأهلي الأسبق، إنه عندما لعب للأهلي كان من أفضل لاعبي كرة القدم في مصر.
وأضاف "عبدالعال"، خلال حواره مع الإعلامي عمرو عبدالحميد، مقدم برنامج "سيرة الحبايب"، المذاع عبر شاشة "ten": "أنا رايح الأهلي وأنا نجم النجوم، والأهلي ملمنيش، ومشيت من الزمالك بسبب كرامتي".
وعن ارتفاع أسعار اللاعبين في الوقت الحالي، قال: "دي حاجة عبط، أقسم بالله رزق الهبل على المجانين، ممكن أدفع الملايين في أبو تريكة والخطيب وحسن شحاتة، لكن معرفش مين الجهبذ اللي جاب حسين الشحات، ولو لاعب كرة يستاهل أدفع فيه 300 مليون جنيه".
وتابع: "مفيش لاعب في مصر إلا 5 أو 6 لاعبين يستحقوا أكتر من 3 ملايين جنيه، زي صالح جمعة وأيمن حفني ومحمد محمود ومجدي قفشة وعبدالله السعيد ومصطفى فتحي، أصحاب المهارات لازم يكونوا مميزين، وربنا خلقنا درجات، ومش ممكن طارق حامد هياخد زي فرجاني ساسي".
تعليقات الفيسبوك