محمد صلاح
قال الإعلامي تامر أمين، إن هناك حالة ترصد للاعب محمد صلاح نجم المنتخب الوطني، المحترف ضمن صفوف فريق ليفربول الإنجليزي.
وأضاف أمين، خلال تقديمه برنامج "آخر النهار"، المذاع عبر فضائية "النهار": "يبدو أن المحتوى الأصلي لهذه الحالة متعمد، في ناس بتقول إن صلاح بيتنّك علينا ونسي أصله، ومغرور على زمايله، ولما الجماهير في الاستاد بتناديله مش بيجي".
وأكد: "مستحيل الانتقادات دي تطلع من حد محب، هو رمزنا وسفيرنا، ممكن ننتقده بس مش كده، دي هجمة تكسير، مش لوم ولا عتاب، واحد بيخلص على رمز".
وأشار إلى أن الكثير من العرب يدافعون عن صلاح، ضد الانتقادات التي يوجهها بعض المصريين إليه، مؤكدًا أن مقطع الفيديو الذي جرى تداوله على منصات السوشيال ميديا بشأن انتقاد صلاح لعقلية المصريين كان قديمًا، وضمن حملة ترويجية لأحد البنوك: "الكلام كان لطيف، لكن تم اقتطاع الفيديو من سياقه، كأن صلاح قايل الكلمة في الوقت ده".
وأوضح: "جابوا جملة، وهاجموا صلاح، وهو عمره ما عمل كده ولا اتريق على أهله، وبيجي يقضي أجازته في نجريج، رغم إنه كان بياخد فلوس، ويقدر يقضي الأجازة في أي مكان في العالم، مش صلاح اللي يتقال عليه كده، لازم نحافظ عليه وندعمه، عشان هو الحيلة".
تعليقات الفيسبوك