رئيس الزمالك يتهم اللاعبين بالرعونة ويتوعدهم بالعقوبات.. ويهاجم نبيل الحلفاوي
01:24 ص | الإثنين 07 أكتوبر 2019
الزمالك ومصر
أبدى رئيس الزمالك غضبه الشديد من الانتقادات الموجهة إلى فريق الزمالك بعد تعادل الأبيض أمام نادي إف سي مصر، قائلًا إنها غير مبررة وهدفها تصدير الإحباط للجماهير.
ونجح فريق إف سي مصر، في حصد نقطة ثمينة أمام نادي الزمالك، في مباراة أقيمت بينهما يوم أمس الأحد، ضمن منافسات الجولة الثالثة من الدوري المصري، بعدما تعادلا بهدف لكلا منهما.
وقال رئيس الزمالك، في مداخلة هاتفية لبرنامج "الزمالك اليوم"، في قناة "الحدث اليوم": "أنا عايز أعرف هو في إيه، دة تالت ماتش في الدوري إيه الحرب دي؟ الدوري لسة 34 مباراة".
واستطرد: "في أخطاء؟ أه وفي عقوبات وقرارات لأننا هدفنا نسعد الجماهير، واللاعيبة ظهر عليها الغرور في المباراة، وفي لاعيبة اتنفخت عشان راحت المنتخب".
وتابع حديثه: "خسرنا المباراة بسبب رعونة اللاعيبة، في لاعيبة خايفة على نفسها عشان رايحة المنتخب وخايفة تتعور، خلينا نتكلم بصراحة".
وواصل: "عمر السعيد ويوسف أوباما جاتلهم 100 فرصة وضيعوها قدام الجول، وكان بإيدهم يخلصوا الماتش من الأول".
وأضاف: "الغلطة بدأت باللي عمله طارق حامد مع احترامي لموهبته، خد إنذارات بدون داعي ولولا الإنذارات دي كان زمانه موجود، الولد اللي اسمه حمدي فتحي شتمك سيبه وامشي".
رئيس الزمالك: الهجوم على الزمالك هدفه تصدير الإحباط
واستطرد: "هو نادي مصر دة مش نادي في الدوري الممتاز، هو نادي في الدرجة التانية، ما وارد إنك تخسر أو تتعادل ماهي الكورة كدة".
وتطرق رئيس القلعة البيضاء للحديث عن الفنان نبيل الحلفاوي المعروف بانتماؤه للأهلي قائلًا: "في ولد ممثل اسمه نبيل الحلفاوي شمتان في الزمالك على تويتر، إيه الحرب دي؟".
واستكمل حديثه: "اللي بيحصل والهجوم دة كله هدفه تصدير الإحباط، وبقول للي عاملين نفسهم زمالكاوية وشمتانين في فريقهم انتوا مش زمالكاوية، والأهلاوية اللي شمتانين زي نبيل حلفاوي بيشنوا حرب عايزين يوقعوا الزمالك".
تعليقات الفيسبوك