عدلي القيعي
تحدث عدلي القيعي، مستشار التعاقدات بالنادي الأهلي والإعلامي بقناة النادي، عن دخول فريق الأهلي مباراة القمة القادمة أمام الزمالك وهو في وضع ومستوى أفضل من الذي ظهر به غريمه التقليدي.
ومن المقرر أن يلتقيا الفريقين في التاسع عشر من شهر أكتوبر الجاري، ضمن لقاءات الجولة الرابعة من مسابقة الدوري المصري.
ويتصدر فريق الأهلي جدول ترتيب الدوري برصيد 9 نقاط، فيما يحل الزمالك رابعًا برصيد 7 نقاط بعدما تعثر في الجولة الثالثة أمام إف سي مصر بتعادلهما إيجابيًا 1-1.
وقال القيعي خلال تقديمه برنامج "ملك وكتابة": "ممكن جدًا نقعد نحتفي ونحفل، والتحفيل دة مش لازم تكون منتصر عشان تقوم بيه، لكن الناس بتحفل حتى لو الخصم هو اللي تعثر".
وأضاف: "أنا شايف إن دة أسوء ما في المشهد الرياضي، ومش موافق عليه خالص، ومش موافق على المبالغة والتهويل في الشعور بقوتك، لأن دائمًا القوي لا يحتاج لاستعراض عضلاته".
وتابع: "القوي مايوصلش اللي قدامه إنه يتفوق عليه، لأ دة يطبطب ويحنو عليه، لأن الدنيا دوارة، والاحتفال الزائد بأن فريقنا ماشي كويس دة مش كويس، مباراة القمة مباراة قوية، وحتى لو تراجع الزمالك دة لا يعني إنه مش موجود، عنده 15 يوم ينسى فيهم كل حاجة".
وواصل حديثه: "الزمالك الآن كالنمر الجريح، والنمر يكون أخطر ما يكون وهو جريح، فلازم نخلي بالنا إننا كل ما بتدوس على الخصم هتكون بتحفزه أكتر، استمتع بفريقك دون غرور وتعالي".
تعليقات الفيسبوك