قدم أسر شهداء مجزرة بورسعيد، طلباً مكتوباً لوزير العدل أحمد الزند، لإقامة وقفة صامتة اليوم، «الاثنين» أمام الوزارة، للتعبير عن غضبهم لتأخر تنفيذ الأحكام فى القضية المستمرة منذ نحو أربع سنوات.
وشن أسر الشهداء، هجوماً عنيفاً على مجلس إدارة النادى الأهلى، برئاسة محمود طاهر لتجاهله الذكرى الرابعة للمجزرة، بعدم إقامة أى فعاليات داخل النادى تزامناً مع الذكرى.
وأكدت والدة الشهيد محمد جمال، أن لا أحد من مجلس الإدارة واللاعبين يحاول التواصل معهم منذ فترة طويلة، مضيفة: «محدش بيسأل فينا، وإحنا مكناش مستنيين صوان من النادى، بس على الأقل اتصال تليفونى أو دعوة يحسسونا إنهم فاكرين ولادنا اللى ماتوا، وهم بيشجعوا النادى ولسه حقهم مجاش».
وأضافت والدة مشجع الأهلى الراحل: «حتى اللافتة اللى عليها صور ولادنا اللى قدام النادى بقت مضلمة، لو الأهلى مستخسر فى ولادنا الكهربا إحنا ممكن ندفعها من جيبنا».
ومن جانبها، أعلنت والدة الشهيد كريم أحمد غضبها من تأخر تنفيذ الأحكام فى القضية، مضيفة: «القضية ما تطول كل ما تتنسى، وده اللى هما عايزينه، لكن لو الناس كلها نسيت أمهات الشهدا وأهاليهم عمرهم ما هينسوا».
تعليقات الفيسبوك