باسم مرسي لاعب الإنتاج الحربي
كشف أسامة نبيه، مدرب منتخب مصر الأسبق، أنه انتقد باسم مرسي وهاجمه، خلال جلسة جمعت الطرفين معا، لحل أزمة للأخير، كانت مع رئيس نادي الزمالك، جرى إيقاف اللاعب بسببها، وابتعاده عن الملاعب.
وقال "نبيه"، خلال استضافته في برنامج "جمهور التالتة"، المذاع عبر فضائية "أون تايم سبورت 2"، مع الإعلامي إبراهيم فايق، إنه كان جلس هو وبعض المسؤولين داخل الزمالك مع باسم مرسي، من أجل علاج أزمته مع رئيس الزمالك في ذلك التوقيت، ولكن كان لديه بعض الأمور التي يصمم عليها، متابعا: "كان غلط وتفكيره غلط، قلت له لو فضلت بالمنظر ده، مش هتكمل موسمين في الزمالك، أنت مش أحسن من عمرو زكي".
تابع: "ساعات كتير المهاجم لما بيبقى نجم مش، بيحس بتصرفاته، وباسم كان مصمم على بعض الأمور اللي مكنش ينفع تتعمل، عشان كده كلمته، وقولت له كده، وذكرت لي أمثلة لنجوم كتير كسروا الدنيا ومكملوش كتير".
وأردف: "أنا قلت الكلام ده لباسم مرسي في 2016، وبالفعل كلامي كان صح، مكملش بعدها موسمين داخل نادي الزمالك".
تعليقات الفيسبوك