تركي آل الشيخ ومحمود الخطيب
رد تركي آل الشيخ، رئيس هيئة الترفيه السعودية ومالك نادي ألميريا الإسباني، اليوم الأربعاء، على أحمد حسام ميدو، لاعب نادي الزمالك ومدرب مصر المقاصة السابق، بعد تصريحات الأخير عنه في أزمته مع مجلس إدارة النادي الأهلي.
وقال "آل الشيخ" في رده على أحمد حسام ميدو: "حبيبي ودة الواجب"، وذلك بعدما دافع عنه لاعب الزمالك السابق في الأزمة بينه وبين النادي الأهلي، والتي انتهت برفع مجلس إدارة الأحمر اسم "آل الشيخ" من قائمة رؤساء الشرف في القلعة الحمراء.
وأضاف "آل الشيخ" في رده على لاعب الزمالك السابق بشأن حسام عاشور، قائلا: "صباح الفل، حبيبي ميدو انت عارفني، وحسام متقلقش عليه"، فيما رد "ميدو": "أنت عمرك ما تخليت عن حد في صفك ودي حقيقة كل من تعامل معك عارفها كويس يا بختك يا عم حسام، حبيبي يا أبو ناصر عاوزينه في الزمالك".
وقال "ميدو" في تغريدة له عبر حسابه الشخصي على موقع التواصل الاجتماعي "تويتر": "مع توقف كرة القدم في العالم كله توقفت المشاكل إلا عندنا الدنيا مولعة على طول، المشاكل اللي حصلت بديهية الأهلي متعود إن أي حد يصرف وما يتكلمش وطبيعة تركي آل الشيخ مش كدة الراجل شخصية قيادية وعايز الأهلي يبرز دوره في أي حاجه بيعملها للنادي وده حقه".
وأضاف لاعب الزمالك السابق: "أي حاجه عايمة ومش مبنية على الاتفاق من الأول في الآخر بتبوظ وبيبقا شكلها وحش وبتعمل مشاكل، دي أساس المشكلة، الأهلي مشي بمبدأ تعالى بس اصرف وهنعملك اللي أنت عاوزه، تعالى بس يا راجل الأهلي بيتك، وبعد كده هوب لا اوعى تتكلم إحنا الأهلي ماعندناش الكلام ده".
وتابع: "الأهلاوية المعتدلين عارفين إن الكلام اللي بقوله صح ووالله لو كان نفس الكلام على الزمالك كنت هقوله، أخيرا وده أكيد لو محمود طاهر كان رئيس الأهلي ماكانش أي حاجة من الكلام ده حصلت وده مايقللش من حبي للكابتن محمود الخطيب واعتزازي الكبير به كلاعب وكشخصية محترمة جدا".
تعليقات الفيسبوك