أحمد عيد عبدالملك بعد تعادل الزمالك والاتحاد: أنا فرحان والله

أخبار متعلقة

أحمد عيد عبد الملك يوجه رسالة دعم إلى شيكابالا

حريق بعمارة أحمد عيد عبد الملك: "أكتر خضة اتخضتها في حياتي"

أحمد عيد عبد الملك عن مطالبة الأهلي بعودة الدوري: محدش هيلعب عافية

أحمد عيد عبد الملك يرشح أمير عزمي لتدريب الزمالك

انتقد أحمد عيد عبدالملك لاعب الزمالك السابق، اليوم الثلاثاء، كتيبة القلعة البيضاء، بعد التعادل المخيب أمام الاتحاد السكندري، بهدف لكل فريق، في مباراة الأمس، ضمن منافسات الجولة 18 من الدوري المصري الممتاز للموسم الحالي 2019-2020.

وكتب "عبدالملك" عبر حسابه الشخصي على تويتر: "أحسن.. ـنا فرحان والله علشان محدش يفرط في النعمة اللي في إيده".

وأضاف لاعب القلعة البيضاء السابق: "أكيد فرحان بشكل الفرقة وهي بتلعب كورة حلوة وخصوصاً رجوع القوة الضاربة بنفس المستوى، بس برضو الأكيد إننا بيتحرق دمنا من ماتشات سهلة مع كامل الاحترام لأي فريق بنلاعبه، إحنا فرقة جامدة جدا، الاسكواد ده لو مركز زي ماتشات شهر 2، يكسر أي حد كورة، الحمدلله ماتش وعدى نرجع نساند".

— ahmedeid.14 (@14_ahmedeid) August 10, 2020

أحمد عيد عبدالملك يشيد بطارق حامد

وعن طارق حامد لاعب وسط الزمالك، قال أحمد عيد: "ببقي بتفرج على طارق حامد، في الماتشات، وعارف إن مفيش أي كورة هتبقى مرتدة علينا، في الكورات الثابتة اللي لينا بيبقى واقف دايماً في المكان الصح اللي الكورة هتطلع فيه، وبيرجعلك الاستحواذ تاني، وتفضل ضاغط".

وتابع: "اللاعب اللي هيلعب في فريق جماهيري وبينافس على كل البطولات ومعندوش شخصية قوية داخل الملعب أو خارج الملعب وعقلية محترفة مع الضغط الجماهيري والإعلامي مش هيبقى له دور، وهيستنى دوره في الإعارة أو البيع، مفيش حد بيعمل اسمه في الكورة من فراغ".

واختتم موجها رسالة لعبدالله السعيد لاعب بيراميدز، قائلا: "صباح الخير عليك يا عبدالله، تستاهل بجد لاعب عظيم 107 أهداف، وأعتقد إنه بالمستوى الحالي هيوصل 130 جول خلال فتراته الجاية، غير إنه 35 سنة وهداف الدوري حاليا بـ16 هدفا في دور واحد بس".

جدير بالذكر أن الزمالك عاد إلى نزيف النقاط بعد استئناف مسابقة الدوري الممتاز، بعد التعادل الإيجابي مع الاتحاد السكندري بهدف لمثله، ضمن مؤجلات الجولة 18 للمسابقة.