إكرامي: أنا بشجع الأهلي بوحاشة وحبي للنادي محدش يزايد عليه

أخبار متعلقة

إكرامي عن مهاجميه على السوشيال ميديا: "عيال متعرفش التربية"

إكرامي: "أنا بعتبر نفسي هرم ومحدش يقدر يزايد على حب عيلتي للأهلي"

إكرامي: مش هخلي رمضان وشريف يلعبوا ضد الأهلي.. هحبسهم في البيت

بديل شريف إكرامي يظهر في تدريبات الأهلي

أكد الكابتن اكرامي حارس مرمى النادي الأهلي السابق أنه يشجع النادي الأهلي من داخل المدرجات، ويرفض الجلوس في المقصورة الرئيسية.

وقال إكرامي خلال لقائه مع الإعلامي معتز الدمرداش، في برنامج "90 دقيقة" المذاع عبر فضائية "المحور": "أنا أهلاوي وحش وبحب الأهلي بوحاشة"، مشيرًا أنه لن يتوقف عن تشجيع النادي الاهلي: "يا جماعة النادي الأهلي في دمنا".

وتمنى إكرامي ألا يقع بين تشجيعه وتمنياته للنادي الأهلي بالفوز، وبين تشجيعه لنجله والنادي الذي يلعب فيه مؤكدًا أنه سيكون "بين نارين".

وتابع: "أنا لما بتفرج على ماتشات للنادي الأهلي بترعش لحد النهاردة وحبي للنادي الأهلي محدش يقدر يزايد عليه"، مضيفًا أنه أن عمره 64 عاما، قضى منهم  50 عاما من عمره داخل النادي الأهلي: "وبعدين يطلع مذيع يقول عيلة إكرامي بتهد في النادي الأهلي والمفروض أنه مذيع وكبير ويقول الكلام ده".

وأشار إكرامي أنه رفض الدخول في مداخلة مع هذا الإعلامي بعد اتهاماته: "هاجمني تاني وده مينفعش عيب"، مضيفًا: "مينفعش على إكرامي بالذات بعد التاريخ ده في الأهلي وبعد ما كنت بتجري ورايا عشان تاخد مني مداخلة أو حديث"، معتبرًا أنه خاض في الأعراض: "بيني وبينهم ربنا وحسبي الله ونعم الوكيل".