جمال حمزة لاعب الزمالك السابق
تحدث جمال جمزة، نجم نادي الزمالك السابق، عن صفقة انتقال رمضان صبحي لاعب الأهلي السابق، من صفوف هدرسفيلد الإنجليزي، إلى صفوف فريق بيراميدز في سوق الانتقالات الصيفية.
وقال حمزة عبر برنامج جمهور التالتة، رداً على سؤال إذا ما كان لاعباً في الزمالك وتلقى نفس عرض رمضان صبحي فهل سيوافق على الانتقال إلى بيراميدز؟: "لو مافقدتش الوعي هوافق، المبلغ اللي هيتحط قدامي ده لازم أفقد الوعي نص ساعة الأول ويفوقوني وبعد كده توافق، هيغمى عليا شوية ولما أصحى هوافق".
وتحدث جمال حمزة في تصريحات خلال استضافته في برنامج "جمهور الثالثة"، حول الهجوم الذي تعرض له "صبحي" في الآونة الأخيرة: "عايزين نهدى شوية، والنقد يكون بلا تجريح، دخلوا شريف في الموضوع وأن هو وكابتن إكرامي بيخططوا له، ليه هو رمضان عيل صغير يا جماعة؟".
وأضاف: "رمضان راجل عنده 23 سنة ومتزوج عنده أسرة، وفاتح أكتر من بيت، معتقدش أن كابتن إكرامي أو شريف ليهم دخل بالقصة دي، والحركة اللي عملها رمضان في البرومو عادية، دي حركة إعلانية مش أكتر".
وأكمل: "كنت أحب أن رمضان يكون في الزمالك مش بيراميدز أكيد، لاعب كبير طبعا ومفيد للفريق وإضافة قوية جداً جداً، وممكن بعد سنتين يروح الزمالك".
تعليقات الفيسبوك