رضا عبدالعال المدير الفني لفريق طنطا
قال رضا عبدالعال، مدرب نادي طنطا الجديد، إن كل المدربين "هجاصين" إلا هو "على حد قوله"، موضحا أنه سيلعب مع طنطا بطريقة "أربعة واحد أربعة واحد".
وأضاف "عبد العال" في حواره لـ"الوطن": "لم أطلب مقابلا ماديا حتى الآن، واصفا الأمر بأنه "ليس سبوبة"، وأنه سينتظر حتى يخرج الفريق من كبوته، للتعاقد على مقابل مادي.
- ما هي أول رسالة وجهتها للاعبي طنطا؟
قلت لهم "طول ما فينا حياة، ونفس بيخرج ونفس بيخش، وعايشين على الدنيا لازم يبقى في طموح، وطالما في طموح هنوصل، ومفيش مستحيل".
وقلت لهم أيضا: "مفيش حاجة اسمها صعب، بس الموضوع هي عاوزه قلب وروح، ومش بعيدة نكسب أهلي وزمالك، وحتى لو هبطنا وإحنا كسبانين الأهلي والزمالك يبقى دا إنجاز".
- الإعلامي إبراهيم فايق قال إنه ينتظر رؤيتك الفنية؟
إبراهيم فايق يداعب الجماهير بالتريند، لكنه يتمنى نجاحي.
- ما الطريقة التي ستلعب بها مع طنطا؟
"هلعب بطريقة أربعة واحد أربعة واحد".
- الكثير من النقاد والجماهير تنتظر نتائج مباريات طنطا؟
لن أتحدث، "أنا اتكلمت كتير نظري، وهنفذ على أرض الواقع عملي".
- قلت إن المدربين "هجاصين".. هل انضممت لفئة "الهجاصين"؟
كل المدربين هجاصين، إلا أنا، وأنا أقول محتاج 5 سنوات "لو ما أخدتش بطولات أبقى بقول أي كلام".
- من اللاعب الذي يحتاجه طنطا؟
صالح جمعة.
- لماذا؟
"علشان عاوز معلم في نص الملعب".
- ما المقابل المادي الذي ستحصل عليه من تدريب طنطا؟
لم نتحدث في أموال حتى الآن، "مش ناوي أتكلم في فلوس غير بعد ما نعدي الأزمة، ولو مقدرتش مش هاخد فلوس، أنا مش رايح سبوبة، أنا رايح علشان أنفذ فكر".
- ما رأيك في ترك كارتيرون للزمالك؟
هو الخسران، "كبيره 4 أو 5 ماتشات، وهتلاقيه زي جروس، وهيمشي من التعاون السعودي".
- أي المدربين أصلح للزمالك؟
تاكيس جونياس، مدرب وادي دجلة السابق.
- لماذا؟
"وادي دجلة من بعده بتشحت، وكانوا بيعلموا أي فرقة الأدب"، كان يلعب كرة قدم حقيقية.
- أتعتقد أن فايلر يريد ترك الأهلي؟
فايلر مدرب كويس، "بس بعد كورونا عاوز يزهق الأهلي علشان يمشوه، لأنه جاي له عقد في سويسرا".
- من بطل أفريقيا في النسخة الحالية من بطولة دوري أبطال أفريقيا؟
الله وأعلم.
- تفتكر الزمالك حظوظه قلت؟
بالعكس، الزمالك حظوظه زادت بعد هروب كارتيرون، "كان بيقولك دا بتاع الماتشات الكبيرة، وهو لا بتاع كبير ولا صغير".
تعليقات الفيسبوك