نور السيد: استبعادي من مباراة الأهلي سبب رحيلي عن الاتحاد السكندري

أخبار متعلقة

الاتحاد السكندري يعلن انتقال نور السيد إلى الجونة

مصيلحي: نور السيد ركل زجاجة المياه وقال "مش هكمل في الاتحاد"

الاتحاد السكندري يعتمد عقوبة إيقاف نور السيد لنهاية الموسم

الاتحاد يقرر سحب شارة القيادة من نور السيد وإيقافه لنهاية الموسم

كشف نور السيد لاعب الاتحاد، عن سبب رحيله عن الفريق السكندري، إلى فريق الجونة الموسم المقبل.

وقال نور السيد خلال تصريحات على قناة "أون تايم سبورتس": "أنا غلطت لما قلت بعد مباراة الإسماعيلي في الاسماعيلية لما كنت احتياطي إن كلها أسبوع وهمشي وكررتها تاني في التدريب وسمعها كابتن محمد إبراهيم وقالي شكرا، طلعت يوسف استدعاني لمعرفة رأيي فيما قلته وتفهم موقفي".

وأضاف: "بالفعل اعتذرت للاعبين بطلب من عبد الجليل أمام مدير الكرة وفوجئت بقرار استبعادى من معسكر مباراة الأهلي ولما استفسرت قالولي إنك قلت الجهاز الفني قدامه أسبوع ويمشي من النادي وهي قصة وهمية وكلمت محمد مصيلحي وشرحت له الموقف وقالي اطلع واجه الكابتن طلعت وبلغته أن الكابتن زعلان دلوقتي ومش هينفع أواجهه".

وأكمل: "استبعادي من مباراة الأهلي سبب قرارى بالرحيل عن الاتحاد السكندري واتهموني بأني أقود مؤامرة، وطلعت يوسف قالي تفاصيل ميصحش أقولها على الهواء وقالي أنا اتخدعت في ناس كانت بتشتغل معايا في الجهاز الفنى، وفيه ناس في الجهاز الفني للاتحاد زي محمد إبراهيم مدرب الفريق، مش هاين عليها أننا نمشي كويس ومعرفش أنا عملت إيه معاه وحش عشان يعمل معايا كده".

وشدد تور السيد: "كلمت طلعت يوسف من 3 أيام وقلت له كل التفاصيل وقالي أنا اتصدمت لما سمعت الكلام وقلت ازاي يطلع من نور السيد وقلت له أنا تصدمت برضه أن الكابتن طلعت يعمل معايا كده، كنت أتمنى التدريب تحت قيادة حسام وإبراهيم حسن ولكن أنا كنت واخد قرار الرحيل وكابتن وليد بدر كلمني وقلتله اني مش هدخل النادي تاني".