هاجمت قناة الأهلي، شريف إكرامي، حارس مرمى الفريق السابق وبيراميدز الحالي، بعد ظهور نادر شوقي وكيل اللاعبين، أمس، مع الإعلامي أحمد شوبير.
وقال الإعلامي أمير هشام، مقدم برنامج "التريند": "هفضل أقول جمهور الأهلي ميضحكش عليه، إنت ممكن تضحك على الناس بعض الوقت ولكن مش طول الوقت تقدر تضحك عليهم، واللي بيجي على الأهلي مبيكسبش، والتجارب كثيرة".
وتابع: "الحقائق بتظهر واحدة واحدة، مفيش حاجة بتستخبى وكل حاجة بتتعرف، ولكن هناك بعض النقاط اللي محتاج أعلق عليها، واللي الجمهور لازم يعرفها، وحق الأهلي مش هيتساب".
وأكمل: "ياكابتن شريف، يابن النادي، كنت موجود في جلسة تحديد مصيره وانتقاله لبيراميدز، ولكن أنا اتصدمت في موقفك مع رمضان صبحي، وأنا كان عندي حق في انتقادي لك من قبل، وتغريداتك عن رمضان صبحي أدانتك، ياريت ياكابتن شريف متحاولش تلعب على تعاطف الجمهور تاني، انت خرجت بشكل غير أحمد فتحي نهائيا، وانت وديت رمضان صبحي بيراميدز".
وأكد نادر شوقي وكيل اللاعبين، أن شريف إكرامي لاعب الأهلي السابق وبيراميدز الحالي، حضر جلسة توقيع رمضان صبحي للفريق السماوي، وجرى الاتفاق على انتقال الأخير في تواجد إكرامي.
نادر شوقي يكشف دور شريف إكرامي في انتقال رمضان لبيراميدز
وقال نادر شوقي، في تصريحات لبرنامج "ملعب أون تايم": "شريف إكرامي كان حاضرا خلال جلسة توقيع رمضان صبحي لنادي بيراميدز، بعد الاتفاق على كافة التفاصيل المالية والتعاقدية".
وأضاف: "شريف إكرامي كان عنصرا مؤثرا في انتقال رمضان صبحي، إلى نادي بيراميدز، قبل إتمام الصفقة بشكل نهائي".
تعليقات الفيسبوك