شيماء خلف بطلة رفع الأثقال
وجهت البطلة المصرية شيماء خلف، لاعبة رفع الأثقال، اتهامات خطيرة لاتحاد اللعبة، موجهة رسالتها إلى الدكتور أشرف صبحي، وزير الشباب والرياضة، بعد تهديدها من قبل مدربها بإجبارها على اعتزال اللعبة، فضلاً عن توجيه اتهام لاتحاد اللعبة بالتزوير، وذلك عبر حسابها على موقع التواصل الإجتماعي «فيس بوك».
وكتبت شيماء خلف على حسابها: «لما اقعد ألعب 13 سنة وأرفع علم مصر في جميع الدول، وعملت ميداليات لمصر كثير قوي وييجي مدرب ويقول لي أنا هقعدك في البيت مش هخليكي تلعبي حديد تاني، دة أقول عليه إيه»، مضيفة: «لما النيابة تثبت على الاتحاد التزوير والاختلاف دي أقول إيه عليا، ولما الاتحاد يزور توقيعي على 17 ورقة، ولما المدرب يوقف 6 لاعيبة مالهمش أي ذنب علشان غلطة من المدرب».
واختتمت لاعبة رفع الأثقال: «أنا بقالي 13 سنة بطلة الميزان وييجي رئيس الاتحاد يقول لي أنا مش هخليكي تلعبي حديد تاني، كل دة عشان أنا قلت كلمة الحق، فين وزير الشباب والرياضة؟، فين رئيس اللجنة الأولمبية؟، مفيش مسؤول في البلد يشوف المشكله دي، كفايا ظلم بقا حسبي الله ونعم الوكيل».
وكانت سارة سمير صاحبة برونزية دورة الألعاب الأولمبية ريو دي جانيرو الأخيرة، فتحت ملف الإهمال الذي يتعرض له اللاعبين.
وكتبت سارة سمير عبر حسابها على موقع التواصل الإجتماعي «فيس بوك»: «لما يضيع حلم الأولمبياد بسبب ناس معندهاش ضمير يبقي حسبي الله ونعم الوكيل، لما أفضل سنة ونص قاعده في البيت مفيش حد بيعبرني ولا بيسأل عني في البلد ولا حد بيرد علي تليفوني ،يبقي حسبي الله ونعم الوكيل، لما بعد المستوي والإنجازات اللي عملتها دي يبقي هو دا رد الجميل من البلد والمسؤولين يبقي حسبي الله ونعم الوكيل».
وأكملت: «لما لغاية دلوقتي مش عارفين يعملولي حاجة في موضوع الوقف بتاعي ولا حد مهتم بيه ولا بيتابع الموضوع يبقي حسبي الله ونعم الوكيل، ولما أكون قاعدة في البيت والمعسكر يشتغل وأنا محدش كلمني حتى في التليفون يحسسوني بوجودي ع الأقل يبقي حسبي الله ونعم الوكيل، لما يقعدو يقطعو في بعض علي المناصب ونبقى إحنا الضحية يبقى حسبي الله ونعم الوكيل، على فكرة إحنا دايما الأبطال وربنا مبينساش حد، شكرا للجميع».
تعليقات الفيسبوك