ضياء السيد
تحدث ضياء السيد المدير الفني لفريق سيراميكا كليوباترا عن فوز ناديه على فريق بيراميدز بأربعة أهداف مقابل هدف.
وقال «ضياء» في تصريحات لبرنامج «الماتش» الذي يقدمه الإعلامي هاني حتحوت عبر شاشة صدى البلد، «من خلال تحليلاتي للفريق عرفت نقاط القوة والضعف فيه، عملية تنظيم الدفاع بقت جيدة في آخر 3 مباريات ومبسوط بيهم حتى وأحنا مكناش بنكسب، كل يوم فيه تمرين خاص للدفاع تحت إشرافي بشكل شخصي».
وتابع «في 11 يوما لعبت 3 مباريات، بشكر هيثم شعبان أنه ساب الفريق في مكان كويس، أحنا بس محتاجين ندافع كويس، لازم علشان تبقى فريق عناصر مكتملة لازم تدافع كويس».
وأضاف «مكنتش قلقان قبل مباراة بيراميدز، حتى النصف الأول من الشوط الأول للمباراة مكناش بنلعب كورتنا وبنلعب كور طويلة، وده مكنش أسلوبنا».
وواصل «بعد ضربة الجزاء بعض اللعيبة اتوترت وبدأت تاخد إنذارات وده مش صح وهتكلم مع اللعيبة فيها، التوتر مالهوش لازمة والحكم حسب ضربة جزاء خلاص».
وأردف «اتكلمت مع اللعيبة في النقطتين دول وزعقت ورجعنا لأسلوبنا عرفنا في 5 دقائق نجيب هدفين، ده أحسن توقيت الهدفين أنك تدخل أوضة اللبس كسبان، التوفيق والكرم أنك أول ما تنزل تجيب هدفين في 10 دقائق، المهمة صعبت على بيراميدز بعد ما سجلت هدفين كمان في أول 10 دقائق في الشوط الثاني.
واختتم مدير فني سيراميكا تصريحاته قائلا «مش مهم اتضغط في المباراة واركن الأتوبيس، ممكن اركن الاتوبيس بس المهم اركنه صح من غير مخالفات».
تعليقات الفيسبوك