حسين لبيب
تحدث حسين لبيب رئيس اللجنة المؤقتة بنادي الزمالك عن الفكرة المطروحة بعمل حساب للنادي تحت رقم 1911 من أجل جمع التبرعات لدعم القلعة البيضاء من قبل جماهيره، حيث قال خلال حديثه ببرنامج ملعب أون تايم عبر قناة "أون تايم سبورت" رفقة الإعلامي سيف زاهر: إحنا مش بنشحت، الجماهير هي اللي طلبت وقالت يا جماعة عايزين ندعم معاكو، فقررنا نفتح فتح حساب، وعندنا أفكار أخرى بس هتاخد وقت، كل أندية العالم عملت هذه الفكرة، والأندية المصرية عملت كدة في حاجات معينة، بيطلع مثلا شخص ما يقول أنا بدعم النادي بتاعي في الصفقة دي، وهنقول كل حاجة، والأموال سوف توجه لدعم جميع اللاعبين في جميع الألعاب لأن دة الأساس بتاعنا وهما اللي بيعملوا الجماهيرية بتاعتنا، إحنا بنقوي من الفريق إيه المشكلة في دي".
وتابع :هي كانت خطوة جريئة مننا، وممكن نكون مخطئين، الارقام اللي قدام عيني في يومين مش متعود أتكلم ولكن هنطلع ببيان كامل، وهنقول عندنا أرقام مبشرة جدا.
وأكمل: فيه عندنا كمان موبايل أبلكيشن، ولكن بتدرس بشكل مظبوط وخلال أسبوعين هيكون فيه أشياء كتيرة جدا.
تعليقات الفيسبوك