فريال أشرف
كشفت فريال أشرف، بطلة مصر في الكاراتيه، صاحبة الميدالية الذهبية التاريخية في أولمبياد طوكيو، والتي جاءت بعد 19 عاما من حصول كرم جابر عليها في المصارعة.
وقالت فريال أشرف، خلال ظهورها ببرنامج «ملعب أون تايم»، رفقة الإعلامي أحمد شوبير: «بحس من صوت والدتي أنا هعمل إيه في البطولة، بيكون فيه حلم كده قبل البطولة لازم تحلمه أعرف من صوتها، إذا كان الصوت ده قلقان ولا فرحان محكتليش عن حلم قبل الأولمبياد وأوقات بكون مش مطمنة وأوقات بكون مطمنة».
وأضافت البطلة المصرية: «صوتها كان قبل البطولة بتضحك ومتفائلة لو فيه حاجة بتكون متوترة ومش عايزه تطول في الكلام عشان محسش بحاجة، المرة دي كان صوتها فرحان اللي هو إن شاء الله ربنا هيكرمك قلتلها وقتها انتي حلمتي حلم وتوهت مني مرضيتش تقولي».
وعن المباراة النهائية، أكدت فريال أشرف: «كنت نازلة الماتش مش شايفة غير الذهب فقط، كنت نازلة أجيبه وكنت عايزه اسمع النشيد الوطني قبل ما أمشي، مكنش ينفع منسمعوش».
وتطرقت صاحبة الميدالية الذهبية خلال حديثها لبدايتها مع الكاراتيه، موضحة: «الكاراتيه جه صدفة خالص وأنا 7 سنين، ماشية مع مامتي شوفت ناس بتلعب كاراتيه في نادي المطرية جنبنا، وقلتلها عايزه أجرب، وبالفعل نفذت الأمر، وقالت يالا نجرب وهنشوف هنوصل لإيه، وكان بالظبط عندي 7 سنين، أول بطولة 9 سنين، وجبت فيها أول القاهرة، ولكن مواصلاتي كانت سهلة مع والدتي ووالدي وبعد كده التحقت بمنتخب مصر في عام 2015، وأنا كنت في نادي الأندلس، ولعبت بطولة البحر المتوسط ودي كانت أول بطولة مع المنتخب».
الأهلي
-
:
-
07:00 PM
الدوري المصري
الاتحاد السكندري
باريس سان جيرمان
-
:
-
10:00 PM
دوري أبطال أوروبا
بروسيا دورتموند
تعليقات الفيسبوك