شيكابالا: «الجماهير بتدعي على ابني بالمرض وبتشتم أمي.. دي مش كورة»

أخبار متعلقة

شيكابالا: الأهلي يتفوق على الزمالك في البطولات لأن كل حاجة عندهم صح

شيكابالا: بتوقف من 20 سنة.. وتجاوزات جماهير الأهلي ضدي غير مسبوقة

بعد أزمة اختفائه من مقر الزمالك.. شيكابالا يظهر بدرع الدوري على الهواء

شيكابالا: «كنا متفقين إن أيمن حفني يرفع الدرع.. البطولات جاية كتير»

تحدث محمود عبدالرازق شيكابالا لاعب الزمالك، عن الأزمة مع جماهير النادي الأهلي، بعد إحدى المباريات التي أقيمت في الإمارات العربية المتحدة، موضحًا أنه قبل المباراة تلقى رسائل على هاتفه تحمل الدعاء على ابنه بالمرض: «رسائل جات لي يارب ابنك يجرى له ويجرى له، وأدعية بالمرض، دي مش كورة».

شيكابالا: اللاعبون في أوروبا لا يمكنهم تحمل الإهانات

وأضاف شيكابالا، خلال تصريحات تليفزيونية: «هما بيقولوا إني بتجاوز في حق جماهير النادي الأهلي، رغم أن الجماهير هي اللي بتتجاوز معانا ويشتموا مراتتنا وأمهاتنا، هما اللي بيبدأوا بالغلط، وفي الآخر يقولوا شيكابالا أخطأ، اللاعيبة في أوروبا مش ممكن تستحمل الضغط ده، ممكن يستحملوا حد يقولهم يا أسود، بس محدش بيروح المقابر، ومحدش بيهاجم ابنه، الناس متستحملش».

شيكابالا: اتحاد الكرة مش بيجيب حقي فقولت أجيبه بطريقتي

وأشار لاعب نادي الزمالك، إلى أنه كان من الممكن ألا يرد على التجاوزات التي تأتي من الجمهور: «أنا هسكت لو الناس المسؤولة عن الكورة تجيب لي حقي، طالما ما جبتش حقي فأنا بجيب حقي، في ماتش الإمارات كتبوا في التقرير إني اتعرضت للعنصرية، والناس عملت معايا تجاوزات عنصرية، طب بتوقفني لية طيب؟، لو حد جابلي حقي مكنتش هرد، لو هعرف أن اتحاد الكرة هيجيب لي حقي مش هتكلم ومش هرد».