محمود علاء
قال محمود علاء، قلب دفاع الفريق الأول لكرة القدم بنادي الزمالك، إن «الموسم المقبل إن شاء الله يبقى موسم خير علينا ونقدر نفرح الجمهور، والإضافات زي حمدي النقاز وعمر كمال وشبانه هتساعدنا نفرح الجمهور بالتتويج بالبطولات».
محمود علاء قلب دفاع الفريق الأول لكرة القدم بنادي الزمالك
وأضاف محمود علاء، في تصريحات تليفزيونية عبر شاشة «أون تايم سبورتس1» في برنامج «ملعب أون تايم» الذي يُقدمه الإعلامي سيف زاهر: «حمدي النقاز إضافة كبيرة وقوية ومن أفضل الباكات في أفريقيا، وإحنا زعلنا من حمدي بسبب عشرتنا ليه وفرحنا برجوعه لينا مرة تانية وكل واحد أعلم بظروفه».
محمود علاء قلب دفاع الفريق الأول لكرة القدم بنادي الزمالك
وأردف مدافع الزمالك: «أكتر مباراة زعلت عليها هي نهائي أفريقيا أمام الأهلي (نهائي القرن)، والسيناريو مكنش يوحي إننا هنخسر، كنا مسيطرين وحطينا كورة في العارضة وكمان الجول جه متأخر لو جه بدري عن كده كنا هنعوض».
واستطرد: «مفيش حاجة اسمها فريق يتفوق نفسيا ولو الكلام ده صحيح كنا تفوقنا إحنا لأننا آخر مباراتين قبل النهائي إحنا اللي كسبنا الأهلي».
وأتم: «ماتش الأهلي والزمالك أكيد ليه حسابات وكل حاجة لكن المهم البطولة، الموسم ده اتعادلنا ماتش وخسرنا التاني وفي الآخر كسبنا الدوري وده المهم لينا كلاعيبه وجمهور أكيد».
محمود علاء قلب دفاع الفريق الأول لكرة القدم بنادي الزمالك
واختتم تصريحاته قائلاً: «أسامة نبيه إضافة لأي مكان موجود فيه ورحيله يزعل كل اللي موجودين في الفريق ولكن قراره في الرحيل يحترم ولو في كلام إنه يرجع طبعا ده شيء يفرحنا».
تعليقات الفيسبوك