زوجة علاء علي: شيكابالا لم يساعد أولادي ولا يوجد أي تواصل

أخبار متعلقة

زوجة علاء علي تنفي تبرع شيكابالا بـ250 ألف جنيه لأسرتها

وزارة الرياضة تستقبل أسرة علاء علي لاعب الزمالك الراحل خلال أيام

وزارة الشباب والرياضة: معاش شهري لأسرة علاء علي وتوظيف زوجته

السمري يكشف سبب أزمة معاش أسرة علاء علي: «قسمناه بين أرملته ووالديه»

كشفت زوجة علاء علي، لاعب نادي الزمالك الراحل، عن حقيقة التصريحات المنسوبة لها، حول مساعدة محمود عبدالرازق شيكابالا، قائد الفريق الأول لكرة القدم بالقلعة البيضاء، لها، وتقديم يد العون والدعم عقب وفاة زميله السابق بالفريق الأبيض، وذلك خلال أحد اللقاءات التلفزيونية لها عبر برنامج أوضة اللبس مع الإعلامي شادي محمد.

وكان نسب لـ زوجة علاء علي بعض التصريحات حول قيام شيكابالا بشراء لعب لأولادها والسؤال عليهم بصفة مستمرة، ورفض عملها والتأكيد على تكفله بكل ما تريد، وهو ما نفته زوجة لاعب الزمالك الراحل والتي أكدت أنه لا يوجد أي تواصل بينها وبين شيكابالا.

وقالت مروة سلطان أرملة علاء علي، في مداخلة هاتفية عبر بث مباشر مع «الوطن سبورت»: «أنا نفسي محدش يقول كلام مش بيحصل لأن ده بيثير استفزازي ويثير استفزاز كل اللي بيسمعوه وعارفين أنه مش حقيقة، حتى الطرف الآخر اللي بيكون الكلام لمصلحته».

زوجة علاء علي: لا يوجد تواصل بيني وبين شيكابالا حتى بالتليفون

وأضافت: «هم قالوا للمرة الثالثة والرابعة والخامسة إن كابتن شيكابالا عمل وسوى، أنا بحبه جداً وعلى دماغي من فوق وولادي بيحبوه وعلاء كان بيحبه أوي أوي، بس الكلام ده ملوش أي أساس من الصحة».

                               شيكابالا قائد فريق الزمالك

وتابعت: «معنديش أي تواصل مع كابتن شيكابالا حتى تليفونياً، ولو لمجرد السؤال ده مش موجود، ليه يتقال كلام زي أنا هعملكم وأوعي تكوني ناوية تشتغلي، كلام غريب ويضحك ومش منطقي ولا هو نفسه يحب يطلع كلام زي ده، معرفش مين المستفيد».

وأتمت أرملة لاعب الزمالك الراحل حديثها قائلة: «دي مش أول مرة، ومش كابتن شيكابالا بس لكن على ناس كتير، وده كله مش حقيقي، وأي حد بيعمل حاجة فيها خير لأطفال صغيرين عمره ما هيطلع يتاجر بيها، ولو حد عملي الهوا هقوله شكرا لأنه بيعمل لصالح أولادي».