رضا عبدالعال: بيقولوا علينا مسرح مصر.. وأنا مجنن الناس بأقل الإمكانيات

أخبار متعلقة

رضا عبدالعال: موسيماني وكارتيرون مدربان على باب الله والحظ خدم الأهلي

رضا عبدالعال: موسيماني كسب الزمالك بالحظ وهو أقل مدرب جه النادي الأهلي

رضا عبدالعال: كارتيرون لازم يمشي.. وحسين السيد جعل الزمالك «عزبة»

«كمونة»: مصطفى فتحي لا يستحق التواجد بالمنتخب.. ورضا عبدالعال «يلطم»

رد رضا عبدالعال نجم النادي الأهلي والزمالك والمنتخب المصري السابق، على من يسخر من تواجده في ستوديو برنامج «البريمو» عبر قناة «ten»، خاصة بعدما شبه مروان حمدي مهاجم المنتخب المصري من يتحدثون عنه بمسرحية «مسرح مصر».

وقال رضا عبدالعال خلال ظهوره ببرنامج «البريمو»، رفقة الإعلامي محمد فاروق: «بيقولوا علينا إحنا مسرح مصر، إحنا رجولة واللي مجنن الناس إني بأقل الإمكانيات وعامل حالة، والله ما حاطين التريندات في دماغنا هي بتيجي من حب الناس ومصداقيتنا، فبيتفرجوا علينا، أحنا بنتكلم في مصداقية أكتر وفكر أكتر وفهم أكتر من البرامج التانية».

تقييم رضا عبدالعال للاعبي مصر في مباراة الأردن

وحرص رضا عبدالعال على تقييم اللاعبين، ووضع لهم درجات خلال مباراة المنتخب المصري وشقيقه الأردني قائلًا: «الشناوي يحصل على 10 درجات، وفتوح 8، وياسين 5، والونش 6، وعمر كمال 7 درجات، وعمرو السولية 7، وحمدي فتحي 5، ومهند لاشين 5، وأحمد سيد زيزو 7 درجات، وحسين فيصل 4، ومروان حمدي 5، ومصطفى فتحي 6، ومحمد شريف 7 درجات عشان الهدف اللي عمله، ومحمد مجدي أفشة 5، وأحمد رفعت 9 درجات، وداوود 6 درجات عشان الهدف اللي سجله، ومحمد عبدالمنعم لو لعب بدل أحمد ياسين، هيكسر الدنيا، ونجم المباراة كان فتوح».

وكان مروان حمدي كتب عبر حسابه بموقع التواصل الاجتماعي انستجرام: «80% من اللي بيطلعوا في البرامج الرياضية مبيفهومش حاجة وبتوع لقطة وبس ومحدش بيركز ولا بيراجع كلامهم إلا القليل».

وأضاف: «اللي منهم بتاع لقطة ومعندوش مبدأ واللي بيطلع يضحك الناس وفاكر نفسه في مسرح مصر، وكام إعلامي يطلع يسخن ده على ده والناس على بعض عشان يجيب كام مشاهدة وشكرا».

وأكمل: «الإعلام الرياضي مجابش إلا من رحم ربي، طبعا أنا عارف أن منكم لو معلمش الشويتين دول مش هيجاب في حتة بس أعملوها بطريقة محترمة وشيك شوية، وفي آخر كلامي زي ما بتعملوا دي وجهة نظري».