ضياء السيد: «شكلنا ما كانش كويس أمام كوريا وخسرنا بنتيجة غير جيدة»
03:18 ص | الأربعاء 15 يونيو 2022
ضياء السيد
علق ضياء السيد، المدرب العام السابق لمنتخب مصر، على خسارة المنتخب الوطني أمام كوريا الجنوبية برباعية مقابل هدف وحيد في المباراة الودية التي جمعت المنتخبين أمس.
وقال السيد خلال مداخلة هاتفية ببرنامج ملعب أون تايم رفقة الإعلامي سيف زاهر: شكلهم مكنش كويس وخسرنا بسكور غير جيد نهائيا لما تتغلب 4-1 من كوريا طبعا إحنا ناقصين ولكن الموجود كويس جدا الأداء لم يكن بالمستوى الجيد نهائيًا كان متوسط ويمكن أقل من المتوسط معظم الكرات اللي أتيحت لمنتخب كوريا جاءت أهداف.
ضياء السيد: الوقت لم يسعف إيهاب جلال
وتابع: إيهاب جلال جه في وقت ضيق جدا قبل المباريات الرسمية نقلة اللاعب من حاجة اتعود عليها لنقلة تانية ميسعفش الوقت كابتن إيهاب نهائي.
وتطرق للحديث عن فترة البرتغالي كارلوس كيروش قائلًا: عدم تقييم فترة كيروش بكل شيء هو اللي وصلنا للي إحنا فيه ده لو بصيت على الواقع لعبنا كل البطولات مع كيروش وتصفيات كأس العالم الكرة اللي لعبناها مكنتش عاجبة الناس والناس دلوقتي بتقول ندافع كويس عشان نكسب والراجل هو اللي كان بيقول كده وتقييم جهاز كيروش كان ظالم أرفض أقول إن المنتخب دفع تمن رحيل كيروش الراجل وصل لنتائج جيدة كان لا بد أن يتم تقييم.
وتابع: مليش سلطة إني أعلن ليه كيروش رحل جمال علام أو الراجل هما اللي يقولوا وكيروش كان لديه رغبة إنه يكمل وقال الكلام ده لحازم إمام.
تعليقات الفيسبوك