علي ماهر
علق علي ماهر المدير الفني لفريق فيوتشر على الخسارة أمام النادي الأهلي برباعية دون رد في المباراة التي جمعت بينهم في الجولة الـ24 من عمر بطولة الدوري المصري على ملعب الأهلي وي السلام.
وقال ماهر خلال حديثه بالمؤتمر الصحفي عقب المباراة : «اللي حصل ده وارد يحصل الفترة اللي فاتت اللاعبين مضغوطين جدا أكيد اللاعبين حسوا إنهم عملوا حاجات كتيرو زي التتويج بكأس الرابطة والوصول لأفريقيا ولكن أمام الأهلي ولا واحد كان فايق نهائيا ولكن هما رجالة وكنا بنشيد بيهم من كام يوم».
وتابع مدرب فيوتشر: «اللاعبين عليهم ضغط كبير جدا وكان كتير على اللاعبين وطبيعي أنت بتلاعب الأهلي بيلعب على بطولة وأهداف مختلفة ويمتلك أحسن لاعبين في أفريقيا والضغوطات اللي عليهم دفعتهم للفوز».
وتطرق للحديث عن الوصول إلى أهداف الفريق قائلًا : «ولكن أنا في الآخر وصلت للهدف بتاعي نجحت في التتويج ببطولة ووصلت أفريقيا وزي ما شفنا النهارده نزلنا مفيش لاعب فايق ولعبوا 4 مباريات في 13 يوم مباراة سيتم غلق الملف الخاص بيها نهائيًا والتركيز على المباراة المقبلة».
وتحدث علي ماهر على مواجهة الإسماعيلي المقبلة قائلًا : «مباراة الإسماعيلي صعبة جدا ولها دوافع مختلفة الدوري أصبح صعب جدا مبقتش عارف تكسب مين وهتخسر من مين والحمد لله».
تعليقات الفيسبوك