المستشار مرتضى منصور رئيس نادي الزمالك
كشف المستشار مرتضى منصور، رئيس مجلس إدارة نادي الزمالك، عن أن إدارة القلعة البيضاء تقترب من حسم صفقتين جديدت، لتدعيم لصفوف الفريق الأبيض، خلال فترة الانتقالات الصيفية الجارية.
وقال مرتضى منصور في تصريحات لقناة نادي الزمالك: «أنا لسه راجع دلوقتي، كنا بنخلص صفقتين مهمين جدًا جدًا، ولم يتم الإعلان عن بعض الصفقات في الوقت الحالي».
وتابع: «ربنا يستر على ولادنا في المباراة ضد النادي التشادي، عندنا ماتش مع فريق رخم، بنتحايل عليهم عشان نذيع الماتش».
وواصل: «أنا وأمير كنا قاعدين مع 2 لاعيبة جامدين جداً بنخلصهم لنادي الزمالك، والصفقات في مركزي خط الوسط المدافع والجناح، وفي طريقنا لحسم انتقال الثنائي».
وأكمل: «مفيش حد في الزمالك اتكلم مع كريم العراقي، وهو بيلعب في مركز الظهير الأيمن، وعندنا محمد طارق وحمزة المثلوثي، بالإضافة للناشئ أحمد محمود والوافد الجديد عمر جابر».
وأتم حديثه: «أنا بجيب اللي فيريرا بيشاور عليه ومحتاجينه، هو طلب لاعبين، ولسه كنا قاعدين معاهم، وهنخلص بعد كده مع أنديتهم».
تعليقات الفيسبوك