محمد صلاح
مازالت علامات الاستفهام تثار حول مستوى الدولي المصري محمد صلاح نجم ليفربول، خلال المباريات الأخيرة التي ابتعد فيها اللاعب عن التهديف، وكان آخرها مباراة باريس سان جيرمان الفرنسي التي أقيمت أمس الثلاثاء، بالجولة الأولى لمرحلة دور المجموعات بدوري أبطال أوروبا وانتهت بفوز الريدز بثلاثة أهداف مقابل هدفين.
وكاد صلاح، يتسبب في انتهاء اللقاء بالتعادل الإيجابي بهدفين مقابل هدفين، بعد أن تسببت تمريرته الخاطئة في إحراز هدف التعادل للفريق الفرنسي، وخرج بعدها الدولي المصري وشارك بدلا منه السويسري شيردان شاكيري بالدقيقة 85 من عمر اللقاء.
وأثار محمد صلاح، الجدل بعد هدف «فيرمينيو» الثالث للريدز، أمام باريس سان جيرمان وبعد تسجيل «فيرمينيو» الهدف الثالث في الدقيقة 92 لليفربول والفرحة الهستيرية للجهاز الفني بقيادة «يورجن كلوب»، واللاعبين إلا أن «صلاح» قام بركل أحد زجاجات المياه، التي كانت بحوزته، قبل أن ثبت كاميرا أحدى القنوات الإنجليزية أن صلاح، احتفل بالهدف قبل ركل الزجاجة.
ويستعرض " الوطن سبورت" على سبيل التخيل 10 جمل رددها محمد صلاح، لحظة ركل الزجاجة بعد هدف فيرمينيو في شباك باريس سان جيرمان.
الجملة الأولى
الحمد الله كنت هشيل الليلة وأتحمل مسؤولية التعادل وضياع نقطتين لو الجون ده مجاش.
الجملة الثانية
مش عارف في ايه.. الدنيا منحسة معايا كده ليه.. يارب تفك بقى.
الجملة الثالثة
أدى آخر أنانية ماني هتخلي فيرمينيو يركب علينا احنا الاتنين
الجملة الرابعة
كلوب تلاقيه بيقول دلوقتي ياريتني كنت طلعت صلاح من بدري
الجملة الخامسة
شاكيري وشه حلو أول منزل جه جون الفوز.. وأنا أول مطلعت الفريق كسب
الجملة السادسة
يلا عشان اتحاد الكرة يتبسط اديني كنت هتسبب في تعادل فريقي بس ربنا ستر
الجملة السابعة
يبقى اتحاد الكرة يقولي تاني رامي عباس طرف تالت حرام عليهم ضيعوا تركيزي
الجملة الثامنة
ايه النحس ده تمريرة غلط مني تجيب هدف التعادل لباريس وأول مطلع ليفربول يكسب
الجملة التاسعة
هبعد عن السوشيال ميديا يمكن الناس تبطل تهري عليا وارجع اركز في الملعب بس
الجملة العاشرة
خليك فاكر يا حظ مالكش عليا جمايل
تعليقات الفيسبوك