رئيس مجلس الادارة:

د.محمود مسلم

رئيس التحرير:

مصطفى عمار

كهربا: الدوري البرتغالي فترة انتقالية.. وسأحدد مصيري في يناير

01:28 ص | الأربعاء 04 سبتمبر 2019
كهربا: الدوري البرتغالي فترة انتقالية.. وسأحدد مصيري في يناير

كهربا لاعب نادي أفيس البرتغالي

أكد محمود عبد المنعم "كهربا" أن تواجده ضمن صفوف فريق ديبورتيفو دا أفيس البرتغالي، تُعد فترة انتقالية من أجل تحديد مصيره في شهر يناير المقبل.

وقال كهربا في مداخلة لبرنامج "اللعيب" على شاشة إم بي سي مصر: "محدش عارف الخير فين، أنا بتمرن كويس جدًا، أنا بلعب في نادي كويس ومحترم لكن مش من أندية القمة، والخسارة في العديد من المباريات واردة، والفترة دي بالنسبالي فترة انتقالية، ولسة هنشوف الشهور الجاية مصيري فين".

وعن الصور والفيديوهات التي ينشرها عبر حساباته بمواقع التواصل الإجتماعي: "والله بحب الحياه وبحب كل الناس تكون مبسوطة وبحب الخير لكل الناس ولا عمري بغلط في حد، أنا دايما بصحى من النوم أنشر صور بتيجي معايا كدة، لكن والله مش بستفز حد ولا بزعل مني حد".

وأضاف: "معرفش ليه جمهور الزمالك زعلان مني جدًا عمري ما قصرت معاهم ومينفعش يزعلوا مني، أنا من ساعة ما دخلت نادي الزمالك مقصرتش بنقطة عرض، كل ماتش نخسر أو نتعادل فيه كنت بخرج أكسر القوضة ولما كنت بتغير في المباريات ومستوايا وحش وخسرانين بتعصب غصب عني عشان كان نفسي أفرح الجمهور ده".