ميتشو مدرب الزمالك
هاجم رئيس نادي الزمالك هجومًا عنيفًا على ميلوتين سريدوفيتش "ميتشو" المدير الفني لنادي الزمالك، مطالبًا إياه بعدم توظيف اللاعبين سوى في المراكز الأساسية التي يلعبون بها.
وقال رئيس الزمالك، في مداخلة هاتفية لبرنامج "الزمالك اليوم"، المذاع على قناة "الحدث اليوم": "كلامي واضح وبقوله على الملأ أهو، ماتلعبش يا ميتشو اللاعيبة غير في أماكنها من غير تأليف".
وأضاف رئيس القلعة البيضاء: "ماتلعبش اللاعيبة غير في أماكنها، اللاعيب اللي أنا جايبه متألق في مركز ما مع المنتخبات والأندية يلعب في المركز دة بتجرب فيه ليه".
وواصل حديثه: "أنا مش جايب لاعيبة صغيرة تجرب فيها، أنا جايب لاعيبة دولية، خالد بوطيب يلعب رأس حربة، وأشرف بن شرقي يلعب صانع ألعاب، في الأماكن اللي بيتألقوا فيها".
وتابع: "هتدخل في التشكيل؟ أه هتدخل طبعًا، وكلامي واضح اللاعيبة ماتلعبش في غير مراكزها، لما أجيب واحد مهاجم وألاقيه بيلعبه في الدفاع لازم أتدخل".
وفي نفس السياق، طالب رئيس الأبيض من جماهير الفريق، عدم الهجوم على "ميتشو" ودعمه خلال الفترة المقبلة، مبديًا إندهاشه من مطالبات البعض بإقالته.
واستطرد: "إنتوا عايزين تمشوا ميتشو في نص الموسم، ماشي همشيه، وهدفع الشرط الجزائي بتاعه من جيبي مافيش مشكلة، لكن مش إنتوا كنتوا بتشتكوا من تغيير المدربين الكتير".
وأردف: "لما كنت بمشي مدرب كنتوا بتقول ليه وإزاي وإهدى وإنت بتعمل كدة ليه؟ دلوقتي عايزين تغيروه؟ مافيش مدربين هيتغيروا في نص الموسم".
واختتم: "ميتشو مدرب محترم ودعموه، دة متصدر الدوري وحصل على كأس مصر، وكسب فرق محترمة، والناس ماتزعلش على الأداء لأن مباراة جينيراسيون اتلعبت في ظروف غير طبيعية".
الزمالك
-
:
-
07:00 PM
الدوري المصريالبنك الأهلي
مودرن فيوتشر
-
:
-
07:00 PM
الدوري المصريطلائع الجيش
تشيلسي
-
:
-
09:30 PM
PREMIER LEAGUEتوتنهام
تعليقات الفيسبوك