السولية
حرص عدد من لاعبي الأهلي، على مساندة عمرو السولية، في أزمته الأخيرة، بعد نشره صورة تجمعه بنجلته صاحبة الثلاث سنوات.
ووجه لاعبي القلعة الحمراء، رسائل دعم لـ"السولية" بعد قراره بالتقدم ببلاغات ضد التعليقات التي وصفها بـ"المتحرشة" بابنته، وذلك عبر إنستجرام، وعلى رأسهم شريف إكرامي، ومحمود عبدالمنعم كهربا، وأليو ديانج، وحمدي فتحي.
وأعلن "السولية" تقديم بلاغ لمباحث الإنترنت، لاتخاذ موقف ضد بعض الحسابات التي اخترقت خصوصيته وقامت بالتحرش بابنته التي لم تتجاوز ثلاث سنوات ونصف.
وكتب لاعب وسط المارد الأحمر عبر حسابه: "بنتي ليلى عندها 3 سنين ونص، لسه قالعة البامبرز، الكلام ده بيتقال على طفلة، إيه اللي يخلي بني آدم خنزير ممكن يبص على لبس طفلة ويركز غير إنه فعلا خنزير؟، إيه المرض ده؟، دول اللي لما بيكبروا بيكونوا مغتصبين ومتحرشين وبنخاف على بناتنا وأهلنا ينزلوا الشارع علشان ميتعرضوش لأذاهم".
وتابع: "أتمنى الشيوخ اللي بيبرروا التحرش ولبس البنت يكونوا مبسوطين دلوقتي وهما شايفين اللي بيحصل، قررت أتقدم ببلاغات ضد أصحاب الكومنتات دي علشان اللي زيهم دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده".
تعليقات الفيسبوك