عمرو جمال: «لو مكان رمضان مكنتش هروح بيراميدز وأعتقد أنه ندمان دلوقتي»
02:17 ص | الجمعة 19 فبراير 2021
عمرو جمال ورمضان صبحي
علق عمرو جمال لاعب النادي الأهلي المعار لفريق طلائع الجيش، على قرار رمضان صبحي، زميله بالقلعة الحمراء السابق، بانتقاله لنادي بيراميدز وتركه النادي الأهلي بعد سنوات عديدة قضاها بين جدران القلعة الحمراء.
وقال عمرو جمال خلال ظهوره ببرنامج «اللعيب» رفقة الإعلامي مهيب عبدالهادي، عبر قناة «MBC مصر»: «رمضان صبحي أنا بحبه جدا وموهبة كبيرة جدا وأنا بشوف رمضان من أحسن اللاعيبة في مصر، محدش يقدر يقول حاجة غير كده، والأهلي وقف معاه، ورمضان بيحب الأهلي جدا، وقراره ده هو شايفه من وجهة نظره صح، لأن أنا معرفش الكواليس إيه بالظبط».
وتابع : «أنا لو مكان رمضان مكنتش هعمل كده لأن أنا نجم في فريقي، ومنتمي لجماهيره، والأهلي ليه فضل وساعد رمضان في الاحتراف، ومش هتكلم في أمور مادية، وهو في السن ده ياخد القرار ده، وهو رقم واحد في الأهلي، وفي مكانه قرار غلط طبعا، وأعتقد أنه هو ندمان عليه مع احترامي لبيراميدز وأهدافه مش هقول كلمة طموح».
عمرو جمال: مع احترامي لأهداف بيراميدز قرار رمضان خطأ
وأكد عمرو جمال، أن قرار انضمامه لنادي الزمالك في حال قدم له عرض في الأيام المقبلة وبالتحديد في حال قرر الأهلي عدم عودته من جديد سيكون صعبا للغاية، لافتا بأنه سيكون من الصعب أن يرى نفسه بقميص آخر غير قميص النادي الأهلي، مؤكدًا أنه يتمنى أن يعود للأحمر مجددًا بداية من الموسم المقبل، خاصة وأنه تمت إعارته موسمين، ولا يرغب في الإعارة مجددًا، مشددًا بأنه سيرفض الإعارة وسيقرر الرحيل في حال رغب الأهلي في عدم عودته.
تعليقات الفيسبوك