شيكابالا
قال محمود عبدالرازق شيكابالا قائد فريق كرة القدم الأول بنادي الزمالك، إنه لم يكن سعيدا في اليوم الذي شهد تتويج فريقه ببطولة الدوري الممتاز، بسبب الأحداث المؤسفة التي صاحبته، حيث لم يحضر هذه الاحتفالات.
وأضاف شيكابالا، خلال تصريحات تلفزيونية: «مركبتش الأتوبيس يومها مع اللاعبين، وأخدت مراتي وابني وروحنا، وكان يوم الاحتفال بالنسبة لي بعد ماتش الإنتاج الحربي لما شفنا جمهور الزمالك في شارع جامعة الدول».
وتابع شيكابالا: «المرة دي جمهور الزمالك موافقش إني أتوقف يوم واحد أبدًا، لأنهم شافوا إن اللي حصل كتير، وحتى يوم التتويج البث قطع، حسيت إن الناس دي مش عاوزين الزمالك يفرح.. جمهور الزمالك كان عاوز يفرح، بس في الدوري المصري صعب، مفيش تنظيم وده حقيقة، بس اشمعنى معانا احنا بس، كل حاجة ممكن تحصل بالدقيقة زي السنين اللي فاتوا، كان مظبوط، بس اشمعنى السنة دي؟!».
وأوضح: «قرارات الإيقاف صدرت بعد المباراة الأخيرة في الدوري بيوم أو يومين، وحصلت قبل كده مع لاعيبة بتلعب في نادي تاني ومدوا إيديهم على أعضاء نفس اتحاد الكرة ومتوقفوش، جمهور الزمالك متعصب ومتضايق عشان اللي بيحصل ده كتير، وتاني يوم من التتويج اللاعبين جابوا لي الدرع على البيت».
وواصل: «يوم ما كسبنا مكنتش مبسوط، كانت سنة صعبة ومتعبة و4 إدارات تغيرت في سنة، وكنت باخد كلام من كل رئيس مجلس إدارة وأوصل للاعيبة ولما بيمشي الكلام يختلف والمجلس اللي بعده يقول كلام تاني لأني كابتن الفريق، وشكلي كان وحش قدام اللاعبين بسبب تغير الإدارات وكل إدارة كانت بتقول كلام مختلف، وكنا بنعيد الكلام من أول تاني».
زد
0
:
1
07:00 PM
الدوري المصريالمقاولون العرب
الاتحاد السكندري
2
:
1
07:00 PM
الدوري المصريبلدية المحلة
تعليقات الفيسبوك