شيكابالا
وعد محمود عبدالرازق شيكابالا قائد فريق كرة القدم الأول بنادي الزمالك، جمهور نادي الزمالك بإحراز بطولة الدوري الممتاز الموسم المقبل، قائلا «المفروض كان الناس بعد ما أحنا تعبنا كده تقول لنا مبروك، متدخلناش في قصة بعيدة عن الكورة، أحنا خدنا البطولة بلعيبتنا وبمجلس الإدارة الموجود».
وأضاف شيكابالا، خلال تصريحات تلفزيونية، أن نادي الزمالك لأول مرة يحرز البطولات الجماعية رغم كل المشكلات، «لما تشوف الفرق دي وهما مسافرين ممكن ميبقاش فيه فلوس عشان نحجز لهم عشان يسافروا أو لبس عشان يلعبوا بيه، فاللعيبة، في كل الألعاب مش الكورة بس، لازم نحترمهم ونديهم التقدير اللي يستحقوه، كان عندهم مشاكل كتيرة قدرنا نحلها مع بعض بالكلام، وربنا كلل مجهودنا بالحصول على بطولة الدوري».
وأوضح أنه منذ صغره كان يحب مشاهدة مباريات النادي لفرق كرة السلة واليد، «من وأنا صغير لحد ما كبرت بروح اتفرج عليهم، آخر مرة كان ماتش الأهلي والزمالك في الصالة عندنا، حد من إدارة نادي الأهلي قال مش هلعب الماتش غير لما شيكابالا يخرج من الملعب».
وواصل: «أحنا بنحب الكورة بس عشان يبقى الدوري حلو وفيه منافسة لازم يبقى فيه عدل، لو فيه عدل الدوري هيتنقل في حتة تانية، ولما لعبت سنة في السعودية كنت بتضايق وأنا بلعب من كتر ما هما منظمين أحنا ليه منوصلش لكده».
تعليقات الفيسبوك