شيماء خلف بطلة رفع الأثقال تستعين بالرئيس السيسي: عايزة شغل أعيش منه
أطلقت بطلة رفع الأثقال شيماء خلف، استغاثة جديدة للمسؤولين في الدولة، متهمة الاتحاد المصري ومسؤوليه بحرمانها من ممارسة اللعبة في أي نادٍ، فضلا عن استبعادها من صفوف المنتخب الوطني، بعدما كشفت عن الفساد داخل اتحاد اللعبة، بحسب منشورها على حسابها الرسمي عبر موقع التواصل الاجتماعي «فيس بوك».
وكتبت شيماء خلف عبر حسابها على موقع التواصل الاجتماعي «فيس بوك»، اليوم الاثنين: «استغاثة إلى كل المسئولين، عن الرياضة في مصر، أنا كتير أوي اتكلمت عن المشكلة اللي عندي وأنا بصرخ بالدموع وأنا اتحملت اللي مافيش حد يتحمله».
وأضافت شيماء خلف: «أنا أرفع شكواي لفخامة الرئيس راعي الرياضة والرياضين في مصر بعد ما جميع الأبواب قفلت في وشي، بعد ما بابا مات وأنا اتظلمت كتير، ظلم من اتحاد رفع الاثقال، رئيس الاتحاد استبعدني من المنتخب عشان أنا قلت عن الفساد اللي موجود في الاتحاد وكمان حرموني من إني ألعب لأي نادي تاني وكمان حرموني من إني اشتغل في أي مكان».
وأوضحت بطلة رفع الأثقال: «أنا شخصية معروفة، أنا رفعت علم مصر في جميع الدول أكتر من 50 مرة، أنا أول عرب وأول أفريقيا وأول بحر متوسط وثاني عالم كبار ورابع أولمبياد وأرقامي تعمل ميدالية أولمبية، وكل اللي أنا بتمناه فرصة عمل تغنني عن الوقوف بالشارع للعمل في أي مهنة».
واختتمت اللاعبة: «أنا بطلة بس بكسب لقمة العيش بالحلال عشان أعرف أجيب مصروفي من بعد ما بابا مات هم اللي أجبروني إني أبطل حديد رغم إني عملت إنجازات، مفيش حد عملها كان نفسي أكمل وأعمل ميدالية لمصر في أولمبياد باريس، بس الحمد الله أتمني إني مشكلتي توصل إلى فخامة الرئيس كل اللي عايزاه شغل أقدر أعيش منه وشكرا ليكم».
الإسماعيلي
-
:
-
04:00 PM
الدوري المصري
الداخلية
سموحة
-
:
-
07:00 PM
الدوري المصري
زد
تعليقات الفيسبوك