ميدو
طالب أحمد حسام ميدو، نجم الكرة المصرية السابق، بإجبار الأندية المصرية على وضع سقف رواتب خاص للاعبين، في ظل وجود رواتب ضخمة يحصل عليها بعض اللاعبين.
النجم أحمد حسام ميدو
قال ميدو في تصريحات تليفزيونية عبر برنامجه «الريمونتادا» على «قناة المحور»: «لازم يتحط سقف لرواتب اللاعيبة ويتم إجبار الأندية على تخصيص جزء من الميزانية الخاصة بيها، للصرف على الناشئين، وكذلك المدربين وتطويرهم، وتحسين الملاعب».
النجم أحمد حسام ميدو
أضاف أحمد حسام: «رود كرول من أفضل الناس اللي اشتغلت في مصر، راح يلف المحافظات يدور على المواهب ومنهم أحمد حسن وعلي ماهر وحازم إمام وابتدا يعمل للاعيبة دي معسكرات في المركز الأولمبي في المعادي وكانوا عايشين هناك، وطلع منهم 10 لاعيبة جامدين مثلوا منتخب مصر 10 سنين».
وأكمل مقدم برنامج الريمونتادا: «تطوير الكورة في مصر لازم يجي من عند الناشئين، ورسالتي الإعلامية بتخليني لازم أقول الكلام ده».
النجم أحمد حسام ميدو
وأردف: «لاعب بيحصل في نادي على مليون جنيه، فجأة بياخد في مصر 17 أو 18 مليون، الطفرة دي هتخليه يجيله هزة وخبل مهما كان اسمه هزة تساهم في تراجع مستواه».
وأتم: «فلوس الأندية اللي مش خاصة الفلوس دي ملك الشعب، لازم جزء من الميزانية يتم تخصيصه لتطوير الناشئين وتطوير اللاعبين، والتطوير مش كلمة وخلاص، لازم يكون في حلول على أرض الواقع».
تعليقات الفيسبوك