ماركوس راشفورد لاعب مانشستر يونايتد
كشف الطالب المصري محمد عصام، عن كواليس القضية المرفوعة ضده من جانب ماركوس راشفورد، نجم فريق مانشستر يونايتد الإنجليزي، مؤكداً أنه تواصل معه ولا يعلم شيئًا عن القضية ولكن الأمر يخص الشركة التي تدير حساباته على «السوشيال ميديا»، مؤكدًا أنه حال حصوله على البراءة لن يترك حقه، وأنه سوف يستمر في تشجيع مانشستر يونايتد رغم هذه الأزمة.
وكتب «عصام» عبر حسابه الشخصي على موقع التواصل الاجتماعي «فيسبوك»: «أنا متكلمتش في موضوع اللاعب ماركوس راشفورد ده نهائي لسبب واحد، وأنا المتهم في القضية طبعًا بس خلونا نتكلم بقي أولا كده الناس بتتعامل مع الموضوع على أنه أنت فين وماركوس راشفورد فين! بُعد مسافات وبُعد مكانة بينك وبينه.. لكن أحب أقولكم وبكل أمانة وصدق من خالص قلبي أنا وماركوس راشفورد أمام طاولة القانون سواء ودي حاجة بجد أنا اتشرفت بيها من كل قلبي».
وشدد الطالب على أنه في حال البراءة فإنه لن يترك حقه، مؤكدًا: «صدقني بجد مش هسيب حد في حاله ولا هسيب حقي لأني بمتحن و زمايلي عارفين والحوار بقاله سنتين أهو وطبعًا عارفين كم الضغط النفسي من حاجة زي دي».
وتابع: النيابة العامة قررت حفظ المحضر وإلغاء الشبهة لسبب وهو إن العبارات دي مش موجودة وملكيتي للأكونت لا تجزم إني مرتكب الجريمة»، معقبًا: «أنت ممكن مفبرك إسكرينات لأكونت بنفس شكل أكونتي».
وتابع الطالب، أن اسم المجني عليه لم يذكر عبر صفحته، مؤكدًا: «تواصلت مع ماركوس راشفورد عن طريق ناس في بريطانيا وقالوا إنه ميعرفش حاجة عن القضية ولا يُدير حسابه الشخصي لكن في شركة راعية ماسكة الأكونتات بتاعته وطبعًا كله عايز تعويض من طالب دكتور بقى وأهله هيدفعوا وهيخافوا على مستقبله».
وأعرب الطالب عن ثقته في القضاء المصري، مشددًا: «إن شاء الله ثقة في الله و في القضاء المصري اللي مبيفرقش ما بين ماركوس راشفورد»، مشددًا على أنه من عشاق مانشستر يونايتد، وحتى تخصصه في الطب الرياضي، وهدفه أن يصبح طبيبا لهذا النادي.
واختتم: «ماركوس راشفورد اتعمل عليه حملة عنصرية من أهل بلده لما خسر نهائي أمم أوروبا وضيع آخر ركلة جزاء لأنه ده منتخب بلدهم ويهمهم.. لكن مع مانشستر يونايتد أنا طول عمري بدعم مانشستر وطول عمري بحب مانشستر ومش زعلان حتي من اللي بيحصل لأن مانشستر ده حب حياتي من 13 سنة لحد النهارده، وإن شاء الله البراءة جاية ومش هسيب كل من تسبب في أذى نفسي ليا بعدها وهحطهم تحت طاولة القانون اللي عندي كامل الثقة فيه».
الزمالك
-
:
-
07:00 PM
الدوري المصري
البنك الأهلي
مودرن فيوتشر
-
:
-
07:00 PM
الدوري المصري
طلائع الجيش
تشيلسي
-
:
-
09:30 PM
PREMIER LEAGUE
توتنهام
تعليقات الفيسبوك