رحاب جمعة
أعلنت رحاب جمعة، لاعبة فريق كرة اليد بالنادي الأهلي السابقة، والمحترفة في صفوف فريق سانت جينيان الفرنسي، اعتزالها اللعبة، بعد سنوات طويلة في الملاعب.
وكتبت رحاب جمعة عبر حسابها الرسمي على موقع التواصل الإجتماعي «فيس بوك»: «وداعًا كرة اليد .. انتهى المشوار، عمري ما تخيلت اني هيجي يوم واكتب الكلام ده خالص بس دي سنة الحياة ، الحمد لله حققت كل حاجة حلمت بيها في لعبة كرة اليد وده كان فضل من ربنا ونعمة كبيرة عليا، لحظات كتير مرت عليا من انكسار وانتصار وفرح وحزن».
وأضافت: «عمري ما هنسى دعم الناس ليا خلال مسيرتي في لعبة كرة اليد، وبما أني مستحيل ألبس تي شيرت منتخب مصر لكرة اليد للسيدات مرة تانية وأنه خلاص مفيش هدف الواحد بيلعب عشانه غير حبه لكرة اليد ، النهاردة أنا بعلن اعتزالي لعبة كرة اليد بشكل كامل».
واختتمت: «ادعولي ربنا يوفقني في حياتي مع زوجي وحياتي المهنية ،شكرًا لكل حد وقف جنبي ،شكرًا لكل الناس اللي دعمتني ولكل صحفي واعلامي اتكلم عني إيجابًا أو سلبًا، شكرًا لكي يا أمي على كل اللي عملتيه معايا أمي هي البطلة التي حققت المستحيل».
تعليقات الفيسبوك