أمير مرتضى: رفضنا رحيل محمود علاء.. "معندناش بديل"

أخبار متعلقة

أمير مرتضى: أبواب "الزمالك" مفتوحة لعودة كهربا إذا أراد

الزمالك يتفق مع "عبدالملك" لمواجهة جولدي وديا.. والثنائي التونسي يعود غدا

أحمد فتحي: اعتذرت لرمضان صبحي على خطأي في مباراة الزمالك

عبد الحفيظ ساخرا من رئيس الزمالك: "أبو أمير بيتفرج على أفلام رعب كتير"

كشف أمير مرتضى، المشرف العام على الكرة بنادي الزمالك، عن فكرة رحيل محمود علاء مدافع الفريق الأول بالنادي، خلال شهر يناير المقبل، بالإضافة إلى تعديل عقود بعض اللاعبين خلال الفترة المقبلة.

وقال أمير مرتضى، في مداخلة لبرنامج "يا مساء الأنوار" الذي يقدمه الإعلامي مدحت شلبي عن رحيل محمود علاء: "عشان نقفل الموضوع ده، ودي بقت حاجة سلبية موجودة، والناس متخيلة إن النادي مجبر على تعديل عقد اللاعب كل سنة أو لو جاله عرض النادي مضطر لتعديل عقده".

وتابع: "إحنا متعاقدين مع لاعب لمدة 5 مواسم أو 4 أو موسم واحد، بنكون عارفين احتياجتنا منه إيه، واللاعب بيفضل على قوة النادي وتحت أمر النادي حتى نهاية عقده، ولما النادي بيحس في وقت من الأوقات من مبدأ العدالة إن هناك لاعب قيمته المادية يجب تعديلها، نقوم بتعديل عقده".

وأضاف: "محمود علاء جاء الزمالك وهو نجم، لكن مثلًا محمد عبدالغني، تم التعاقد معه من نادي درجة ثانية، لما يشارك ويكون أساسي عقده لا يتناسب مع باقي زملائه، أو مع أقل فئة بالفريق، ده عنده الأولوية، ورغم إن عقده ما زال فيه 4 مواسم".

أمير مرتضى: من يسير مثل طارق حامد لن نبخل عليه

وتحدث عن تعديل عقود بعض لاعبي الفريق: "وهناك لاعبين عقودهم كبيرة، ويتم تجديد عقودهم لأنها بتكون رسالة لباقي اللاعبين، زي طارق حامد عنده رصيد 5 سنين في النادي وبيحقق نسبة مشاركة كاملة ولا يتأخر على الفريق، وشخصية جوة وبرة الملعب، وده تكريم له".

وأكمل: "تجديد عقد طارق حامد رسالة لكل اللاعبين إن اللى هيمشي على نفس الشكل ده مش هنبخل عليه".

وأردف أمير مرتضى: "محمود علاء جاله عرض شفوي في الصيف وتم رفضه، لعدم وجود البديل المناسب".

وعن رحيله حال وجود بديل: "لازم نكون محضرين، ودائمًا نكون محضرين، ولكن ساعات بيكون فيه ضغط على الأندية من الجماهير للحفاظ على النجوم ويطلقوا هاشتاج فلان مش للبيع، ويجب أن يعلموا أن النادي يجب في وقت من الأوقات أن يكون لديه دخل، ولازم يكون عندنا ثقافة زي أوروبا".

وأتم: "بايرن ميونخ رجع رودريجز علشان قال اللاعب ده عقده كبير علينا ونفكر في بيعه الاستفادة منه لأنه أصبح حمل على خزينة النادي، إحنا عاوزين يكون عندن الثقافة دي".

وأنهى حديثه قائلًا: "لو تم بيع لاعب كل سنة تم التعاقد معه بمبلغ وبيعه بمبلغ أعلى والنادي كسب ونطلع لاعب بديل مكانه هو ده الاحتراف، الناس متخيلة إن الإدارة بتصحى من النوم تبيع عمر جابر وكهربا وفرجاني ساسي، واللاعب لما بيجيله عرض بيكون بضعف قيمته الحالية، والمكسب بيكون لكل الأطراف، وإحنا عندنا أولويات لأننا نادي بطولات، ويجب وجود دخل مادي عشان نقدر نصرف ونجيب لاعيبة تاني وناخد بطولات تاني".