أحمد فتحي: الزمالك فاوضني مرتين.. وأتمنى أن أختتم مشواري في الأهلي
03:17 ص | الأربعاء 30 أكتوبر 2019
أحمد فتحي لاعب الأهلي
كشف أحمد فتحي، لاعب فريق النادي الأهلي لكرة القدم، عن قيام مسئولي نادي الزمالك بمفاوضته مرتين للعب في صفوفهم، بالإضافة إلى أمنتيه في اختتام مشواره الفني بالنادي الأهلي.
وأجاب فتحي في حواره مع الإعلامي سيف زاهر، في برنامج "ملعب أون"، المذاع على قناة "أون سبورت" على سؤال حول مفاوضات الزمالك معه من قبل قائلًا: "الزمالك فاوضني مرتين قبل كدة، لكني ماوافقتش وفضلت الأهلي".
وأضاف ظهير أيمن الفريق الأحمر: "طبعًا رفضت بشياكة وبأدب لأن الناس اللي اتفاوضت معايا ناس محترمة، وصحابنا وبتعامل معاهم على طول، لكني كنت حابب أكمل في الأهلي".
فتحي: أمنيتي الاعتزال في الأهلي
وأكد أحمد فتحي، أن أمنيته الخاصة هي أن يختتم مشواره في فريق النادي الأهلي، وأن يعلن اعتزاله وهو بين جدران القلعة الحمراء.
وتابع فتحي حديثه: "أكيد بتمنى إني أخلص كورة في الأهلي لأنه بيتي، لكن ماحدش عارف بكرة في إيه وماحدش يقدر يضمن حاجة زي كدة".
واستكمل: "أنا أهلاوي من زمان جدًا، من قبل ما ألعب كورة أصلًا وأنا بشجع الأهلي، عشان كدة بتمنى إن يكون ختام مشواري في الأهلي".
وتطرق فتحي للحديث عن موقف خلال تعاقده مع الأهلي لأول مرة: "وأنا بتفاوض مع الأهلي لأول مرة في 2007، طلبت إني آخد رقم معين، لكن اتقالي إن دة الرقم اللي بياخده محمد أبو تريكة في الوقت دة، فقولت مباشرة مش هينفع أتساوى بأبو تريكة وخدت رقم أقل".
تعليقات الفيسبوك