مرتضى منصور: «حلمي طولان لو لعب بنفس القوة أمام الأهلي يحصد الدوري»
04:48 ص | الأربعاء 11 مايو 2022
مرتضى منصور
علق مرتضى منصور رئيس نادي الزمالك، على خوض نادي إنبي مباراته أمام فريقه بقوة وحماسة بقيادة ابن النادي حلمي طولان والذي قدم اعتذاره لجماهير القلعة البيضاء بسبب الفوز، خاصة وأن الفارس الأبيض ينافس بقوة على الدوري.
رئيس الزمالك: طولان زملكاوي جميل
وقال منصور خلال تصريحات تليفزيونية: أنا نفسي حلمي طولان يلعب بنفس الطريقة أمام الأهلي وبنفس الحماس وهو زملكاوي جميل أدى دوره مدرب محترف لو لعبوا بنفس الطريقة أمام الأهلي سيحصد إنبي على الدوري وكنت بكسر كل حاجة في الأوضة في آخر نص ساعة في الماتش.
وتابع: ستاد القاهرة مش هنلعب عليه تاني اللاعيبة كل ما بتتحرك بتقع عايزين نعرف مين اللي عامل إيه هناك من شهر مارس مكسبناش ماتش هناك.
مرتضى: إحنا بنتشتم 24 ساعة من الفاشلين الساقطين
وأكمل : إحنا بنتشتم 24 ساعة من الفاشلين الساقطين اللي هما محسوبين على الزمالك أنا كاتم آلامي الشخصية جوايا والكل يعرف إني عيان أساسا وأحمد عنده 7 جلطات وعنده غدة درقية وبيمشي من النادي الساعة 4 الفجر كل ده عشان النادي ممكن نقول مع السلامة إحنا لا نتربح من النادي وأنا مش ناقص شهرة أنا بروح كل البلاد الناس بتسأل عليا أول واحد.
وأردف: أنا مستلم كل الفرق مهلهلة وأقول لجماهير نادي الزمالك كويس إننا عايشين بالفريق ده.
مرتضى منصور: لم نتحصل على المقابل المادي في صفقة مصطفى فتحي
وتطرق للحديث عن المقابل المادي من صفقة مصطفى فتحي والذي لم يصل حتى الآن من نادي التعاون السعودي قائلًا: فلوس مصطفى فتحي لم تأتِ حتى الآن بقول لرئيس نادي التعاون من فضلك الفلوس اللي متأخرة من شهرين عايزنها وقدمنا شكوى ضدهم.
تعليقات الفيسبوك