أيمن طاهر: مصطفى محمد محتاج "يستوي".. وحسام البدري كان عايز يستفزه

07:19 ص | الثلاثاء 06 أكتوبر 2020
أيمن طاهر: مصطفى محمد محتاج "يستوي".. وحسام البدري كان عايز يستفزه

أيمن طاهر مدرب حراس مرمى منتخب مصر

تحدث أيمن طاهر، مدرب حراس المنتخب، عن مصطفى محمد مهاجم الزمالك، وتصريحات حسام البدري مدرب منتخب مصر حوله والتي أثارت الجدل خلال الأيام الماضية.

وقال أيمن طاهر خلال استضافته ببرنامج ملعب أون تايم: "مصطفى مهاجم ممتاز، وهداف وعنده إمكانيات قوية، لكن هو لسه عايز يستوي".

وأضاف: "هيدي قد اللي هيديه 100 مرة، أعتقد أن الكابتن حسام البدري مكنش قصده، وكان عايز يستفز ويسخن مصطفى محمد عشان يقدم أفضل ما عنده، أعتقد ده كان تفكير حسام البدري".

وتابع: "يوجد 3 لاعبين هم دول الاختيار بينهم غالباً، احنا بنحط خطوط عريضة وبنشتغل عليها، مفيش شك أن مصطفى محمد إمكانياته ممكن متكررش تاني في مصر، لكن في مهاجمين تاني موجودين".

أيمن طاهر يشيد بالحضري.. ومستاء من المداورة بين جنش وأبوجبل في الزمالك

وأشاد أيمن طاهر، بقدرات وتاريخ عصام الحضري، حارس مرمى منتخب مصر والأهلي والزمالك السابق.

وقال طاهر عن الحضري: "عصام الحضري أسطورة، حقق أرقام كتيرة ومحتاجين عيل صغير نشتغل معاه عشان يجيب أرقامه، عندنا محمد الشناوي ملتزم جداً وحاطط هدف في دماغه وأتمنى يكمل لحد ما يحقق الأرقام ديي لكن هتكون مشكلة لعصام".

وأضاف: "هو حاطط في دماغه دلوقتي عبدالمنصف اللي شغال كويس في الدوري وعايز يكمل، والحضري محتاج شغل كتير عشان يبقى مدرب حراس كويس".

واستكمل: "باصص على محمد عبدالمنصف، وممكن أضمه للمنتخب مفيش مشكلة، شايفين اللاعيبة كلها".

وتحدث طاهر عن المداورة في حراسة مرمى الزمالك قائلاً: "أنا كنت مستاء جداً من المداورة بين أبوجبل وجنش في حراسة مرمى الزمالك، حد يثبت ويلعب عشان الاثنين كده هيبقوا وحشين".

وأضاف: "حد فيهم يكمل ويبقى ثابت، الطبيعي أن أبو جبل كان شغال كويس وخد بطولتين والطبيعي أنه يكمل، جنش لما رجع بدأ كويس وبعدين حسيت أنه مش مضبوط، راجع من إصابة وفيه قلق ومحتاج شغل أكتر".