شيكابالا: مفيش كورة من غير الزمالك.. وجمهورنا كبير في كل مكان

أخبار متعلقة

شيكابالا عن فتح صفحة جديدة مع جماهير الأهلي: مش من عندي

شيكابالا: كسبنا الدوري بعرقنا..ولعيبة الأهلي متوقفتش لما احتفلت

شيكابالا يعد «الزمالكاوية» بإحراز بطولة الدوري الموسم المقبل

شيكابالا: مفيش كورة من غير الزمالك.. وجمهورنا كبير في كل مكان

قال محمود عبدالرازق شيكابالا قائد فريق كرة القدم الأول بنادي الزمالك، إن البعض يوصل رسالة مغلوطة عنه للجمهور: «بيوصلوا للناس حاجة مش أنا، أنا مش كده، لعيبة النادي الأهلي عارفين إني مش كده، ولو عارفين إني كده مش هيبقوا أصحابي، فلما تيجي توصل حاجة للناس وصلها صح، جمهور الزمالك مش قليل، ونروح أي حتة في العالم بنلاقي جمهور الزمالك مستنينا».

الإسماعيلي نادي كبير ومش بيفوت ماتشات

وأضاف شيكابالا، خلال تصريحات تلفزيونية، أن جمهور نادي الزمالك عظيم وكبير، «الكرة المصرية من غير الزمالك مش هيبقى فيه كورة في مصر، ومتقولوش الإسماعيلي بيفوت، الإسماعيلي نادي كبير وطلع ناس عظماء مينفعش تقولوا عليه كده، وكابتن إيهاب جلال راجل ومدرب محترم جدا مينفعش حد يقول عليه كده، كل ده عشان أخدنا الدوري؟.. خدوا الدوري مش عاوزينه».

شيكابالا: فنان أهلاوي طلع حاجات عني محصلتش

وتابع: «فيه ناس بتطلع بتقول حاجات مغلوطة مش بتحصل، طلع من فترة فنان أهلاوي وقال حاجات محصلتش، كنت ممكن أطلع وأرد عليه وأقول إنك كداب، بس أنا معملتش كده عشان جمهور الزمالك عارف إني مش كده، هو عاوز يوصل للناس إنك حامي الحمى بس مع الوقت الناس عرفت أنك صغير، عشان كده مردتش أرد عليك».