شيكابالا
قال محمود عبدالرازق شيكابالا، قائد فريق كرة القدم الأول بنادي الزمالك، إنه يتوقع عدم حصول الفريق على بطولة الدوري الممتاز الموسم المقبل، موضحًا: «مش هناخده، كسبنا الدوري السنة دي الدنيا اتقلبت، وصلنا إحساس كلاعبين وجماهير إننا هيتداس علينا».
وأضاف شيكابالا، خلال تصريحات تلفزيونية: «كل حاجة بتحصل غلط بتحصل لنادي الزمالك بس، إيه مشكلة النادي الأهلي؟! مفيش، إحنا أخدنا الدوري عند، وقلنا لبعض كلاعبين هناخد الدوري، ومكسبناش السنة اللي فاتت لأننا كنا بنلاقي 10 لاعبين مشيوا، وبالنسبة للجهاز الطبي لم يحصلوا على مكافآت الكونفيدرالية، ومازال يعمل رغم تلقيه عروض من الأهلي والإمارات.. قاعد عشان بيحب الزمالك، ولو على الشغل كان زمانه مشي».
وتابع: «كسبنا الدوري السنة دي لقينا ضغط من كل حتة، وفي أيام كابتن حسام حسن كنا فارقين في الدوري، لاعب شال الكرة بإيده من الجول، متحسبتش ضربة جزاء، ولو فيه فار كنا كسبنا، وبعدها بدقيقتين محمد عبدالشافي أحرز هدفا عالميا فاحتسب أوف سايد، وحصلت مع كابتن حسن شحاتة، ومش أنا بس اللي بتشتم، حسن شحاتة وجمال عبدالحميد، والناس لو عاوزة توقف الحاجة دي هتوقفها، لكن ده مبيحصلش عشان إحنا الزمالك».
تعليقات الفيسبوك