شيكابالا عن شجاره مع أحمد مجاهد: «قولتله أنت أهلاوي؟ بس متجاوزتش»
12:50 ص | الأحد 05 سبتمبر 2021
اللاعب محمود عبد الرازق شيكابالا
كشف اللاعب محمود عبد الرازق شيكابالا، لاعب نادي الزمالك، تفاصيل الأزمة التي حدثت بعد مباراة البنك الأهلي، والتي توج الزمالك بعدها بدرع الدوري الممتاز، موضحًا أن هناك تشيرتات صممت خصيصًا من الشركة الراعية من أجل ارتدائها في الاحتفال، «دي كانت تشيرتات الفوز بالدوري، دخلت أجيبها من الغرفة، قالولي لا مش هنفتح الباب، واللعيبة مش هتختش».
شيكابالا: شركة الأمن عاملوا لاعبي الزمالك معاملة صعبة للغاية
وأضاف «شيكابالا»، خلال تصريحات تلفزيونية، أن شركة الأمن رفضت دخول اللاعبين الصغار في النادي من أجل الحصول على التيشرتات الاحتفال بالدرع، «عملوهم معاملة صعبة، أقولهم افتحوا الباب محدش راضي يفتح، وأنا تصدرت في المشكلة دي، لأني لو لقيت حد تاني يعمل الدور ده مكنش أكيد هعمله أنا، حصل زق وزعيق بقى، ورئيس اتحاد الكرة أحمد مجاهد نزل أرض الملعب».
اتفقنا على تسليم الدرع لأحمد حفني لاعب الزمالك
وأشار لاعب نادي الزمالك، إلى أنه كانت هناك خطة بين لاعبي نادي الزمالك، أن يقوم برفع الدرع أيمن حفني، «أيمن كان بقاله كتير مش بيلعب، وبقى يلعب آخر ماتشين، وأنا حسيت أننا أخذنا الدوري عشان خاطر أيمن حفني، وقولنا للاعبين كده، وأيمن مكنش عارف، أحنا بنحب نكبر لاعبينا، وكان أيمن حفني بالفعل هو الأحق، ونزل مجاهد واتكلمت معاه واتفاجئت بعد الماتش بيقولوا أني شتمت».
أحمد مجاهد برأني من اتهامات سبه وشتمه
وتابع محمود عبد الرازق شيكابالا،: «أحمد مجاهد برأني من غير ما أتكلم، لا شتمت ولا عملت تجاوزات، بس كنت متنرفز عشان اللعيبة المفروض تخش تجيب التشيرتات، وشركة الأمن جايه تزق اللاعبين اللي هما المفروض أصلا جايين يحتفلوا بالدوري، قولت لأحمد مجاهد، لازم اللاعيبن بتوعنا يخشوا، الناس هنا افتكروني بشتم، ورغم كده شوفنا ناس غريبة مش تبعنا بتحتفل بالدوري».
وواصل لاعب نادي الزمالك: «مجاهد مردش عليا عشان كان فيه زيطة، قولتله فين الغلط اللي اللعيبة بتاعتنا تخش تجيب التشيرتات، مكنش هو لاقي رد، قولتله هو أنت عشان أهلاوي مش عاوز تدخل الناس، قالي لا لا خالص، الشركة اللي مش عاوزين يفتحوا الباب، وطلع قالي أني مشتمتش ولا سبيت ولا عملت حاجة ولا تجاوزت».
تعليقات الفيسبوك