شيكابالا ينهمر من البكاء على الهواء: «مبسوط بآراء الجمهور عني»

أخبار متعلقة

شيكابالا: رديت على ميدو بنفس أسلوبه.. وأنا وهو إخوات

شيكابالا: قلت لكارتيرون أنا مش قادر أتدرب معاك بسبب رحيلك

شيكابالا عن فوضى مراسم التتويج بالدوري: محصلتش قبل كده.. اشمعنى احنا؟

شيكابالا عن أزمة التتويج: المدرب كان بيدمع والدكتور بنته اتخنقت في الأتوبيس

انهمر اللاعب محمود عبد الرازق شيكابالا، لاعب نادي الزمالك، في البكاء، بعد عرض تقرير تلفزيوني يرصد أراء بعض الجماهير سواء الزملكاوية أو مشجعي النادي الأهلي، عن كابتن القلعة البيضاء، وذلك تعبيرًا عن سعادته بآراء الجمهور، «مبسوط أن جماهير نادي الزمالك بتتكلم عني كده»، وذلك خلال تصريحات تليفزيونية.

شيكابالا: لا أعرف سبب وقفي حتى الآن

وأضاف «شيكابالا»، أنه لم يقم بالتشاجر مع أحمد مجاهد، المكلف بإدارة اتحاد الكرة، وعندما استفسر عن سبب العقوبة وهي الوقف 8 اشهر، رد عليه المسؤولين أن أحمد مجاهد ليس سبب العقوبة، وأن تقرير لجنة المسابقات وراء كتابة التقرير، ساخرًا: «طب ما أحمد مجاهد هو اللي يرأس لجنة المسابقات، طب هو وقفني ليه».

لم أكن متواجدا وقت تسليم درع الدوري

وتابع لاعب نادي الزمالك: «هو بنفسه طلع قال أني مقولتش ولا أي لفظ خارج، طب وقفت ليه؟، عشان كنت عاوز أدخل لاعبي الزمالك وأسرهم؟، حسيت إن الموضوع فيه حاجة غلط، مش بيحصل الكلام ده في أي مرة، يعني عواد كان متصور مع الدرع، ومراته وراه مش جنبه، مكنوش راضيين، عيب، إحنا نادي كبير».

فيه ناس مش عاوزة الزمالك يفرح

وواصل محمود عبدالرازق شيكابالا: «مكنتش موجود وقت تسليم الدرع، ومش هتلاقيني في الصور، ونرجع نقول شيكا اتوقف، طب إيه السبب؟ جماهير الزمالك مكنش موافق أني اتوقف يوم واحد، كده كتير، متصورتش صورة الدوري؟، ليه التلفزيون قطع؟ عشان حاجات معينة، مش عاوزين الزمالك يفرح».